10-20 قىركۇيەك ارالىعىنا جوسپارلانعان قۇرلىقتىق تۋرنير ازيا اتۋ كونفەدەراتسياسى مەن قازاقستان سپورتتىق اتۋ فەدەراتسياسىنىڭ قولداۋىمەن ۇيىمداستىرىلىپ وتىر.
ازيا چەمپيوناتىنا 11 مەملەكەتتەن 160 سپورتشى قاتىسۋدا. اتاپ ايتار بولساق، شىمكەنت تورىندە باحرەين، يندونەزيا، قىرعىزستان، ساۋد ارابياسى، كۋۆەيت، پاكىستان، كاتار، تايلاند، ءباا، وزبەكستاننان، جالپى 120-دان استام سپورتشى سىنعا تۇسەدى.
بۇگىن "Shymkent Shooting Plaza" اتۋ كەشەنىندە XIV ازيا چەمپيوناتىنىڭ سالتاناتتى اشىلۋ ءراسىمى ءوتتى. جيىنعا شىمكەنت قالاسىنىڭ اكىمى مۇرات ايتەنوۆ، ازيا اتۋ كونفەدەراتسياسىنىڭ پرەزيدەنتى شەيح سالمان ءال-ساباح قاتىسىپ، قاتىسۋشىلارعا ساتتىلىك تىلەدى.
ءدۇبىرلى جارىس ءوتىپ جاتقان "Shymkent Shooting Plaza" - ازيا وڭىرىندەگى ەڭ ءىرى اتۋ كەشەندەرىنىڭ ءبىرى.
جارىسقا قاتىسۋشى سپورتشىلار، جاتتىقتىرۋشىلار جانە تورەشىلەر پتر-تەستىلەۋدىڭ تەرىس ناتيجەسى تۋرالى انىقتاما بەردى، رەسمي دەلەگاتسيا، سپورتشىلار مەن قاتىسۋشىلار ءار 3 كۇن سايىن COVID-19-عا پتر تەستىن تاپسىرادى.
تۋرنير سپورت نىسانىنداعى بارلىق سانيتارلىق نورمالاردى ساقتاي وتىرىپ وتكىزىلەدى.
اتالعان ءىس-شارانى ۇيىمداستىرۋعا مادەنيەت جانە سپورت مينيسترلىگى، قر ۇلتتىق وليمپيادا كوميتەتى جانە شىمكەنت قالاسىنىڭ اكىمدىگى قولداۋ كورسەتتى.
