ءموبيلدى بريگادالاردىڭ جۇمىسى قاتاڭ باقىلاۋدا

1213
Adyrna.kz Telegram

شىمكەنت قالاسىنداعى ەمحانالار جانىنان قۇرىلعان ءموبيلدى بريگادالاردىڭ جۇمىسى قاتاڭ باقىلاۋدا. ءموبيلدى توپ قىزمەتكەرلەردىڭ ناۋقاستارعا ءۇي جاعدايىندا دۇرىس امبۋلاتورلىق قىزمەت كورسەتۋىن سيتۋاتسيالىق ورتالىقتاعى ماماندار ۇيلەستىرىپ وتىرادى. بۇل جۇمىستار كەشەگى وتكەن شتاب وتىرىسىندا قالا اكىمى م.ايتەنوۆ بەرگەن تاپسىرما نەگىزىندە جۇزەگە اسىرىلىپ وتىر.

بۇگىن قالالىق دەنساۋلىق ساقتاۋ باسقارماسىنىڭ باسشىسى ب.پوزيلوۆ ەمحانالاردى ارالاپ، ءموبيلدى بريگادالاردىڭ جۇمىسىن ۇيلەستىرەتىن سيتۋاتسيالىق ورتالىقتىڭ جۇمىسىن باقىلاپ شىقتى.

ءموبيلدى توپتىڭ قۇرامىنا جالپى تاجىريبەلى دارىگەر، تەراپەۆت، پەدياتور جانە مەدبيكە كىرەدى. ناۋقاستىڭ دەنساۋلىعىن تەكسەرگەن ماماندار ودان پتر-سىناما الدى. ناتيجەسى كەيىنىرەك بەلگىلى بولادى.

قازىرگى تاڭدا 39 مەملەكەتتىك جانە جەكەمەنشىك ەمحانادا شاقىرتۋعا باراتىن 216 ءموبيلدى بريگادا جانە 45 ونلاين كونسۋلتاتسيا بەرەتىن بريگادا جۇمىس ىستەۋدە.

بريگادا قىزمەتكەرلەرى Covid-19, پنەۆمونياعا شالدىققان، ءجىتى رەسپيراتورلىق اۋرۋدىڭ بەلگىلەرى بارپاتسيەنتتەرگە ۇيدە امبۋلاتوريالىق-ەمحانالىق كومەك كورسەتىپ، كوۆيدكەكۇدىكتى پاتسيەنتتەردەن جەدەل پتر سىناماسىن الادى

شىمكەنت قالاسى قازىر كوروناۆيرۋس ىندەتى ءورشىپ تۇرعان ايماقتاردىڭ قاتارىنادا. قاۋىپتىلىكتىڭ قويۋ قىزىل دەڭگەيى جاريالاندى. جاعدايدى باقىلاۋدا ۇستاۋعا بارلىق سالا جۇمىلدىرىلعان.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر