رەسەي مەمدۋماسى: كسرو-نىڭ ىدىراۋ سەبەپتەرىن زەرتتەۋ كەرەك

3231
Adyrna.kz Telegram

رەسەي فەدەراتسياسى مەملەكەتتىك دۋماسىنىڭ باسشىسى ۆياچەسلاۆ ۆولودين پارلامەنتشىلەرگە كسرو-نىڭ ىدىراۋ سەبەپتەرىن زەرتتەۋدى تاپسىردى، دەپ حابارلايدى «ادىرنا» ءتىلشىسى.

بۇل تۋرالى پلەنارلىق وتىرىس كەزىندە ايتىلدى.

«كسرو قانداي سەبەپتەرگە بايلانىستى ىدىراعانىن تالداۋ كەرەك. رەسپۋبليكالار، ۇلتتىق رەسپۋبليكالار، ۇلتتاردىڭ ءوزىن-ءوزى انىقتاۋى ءىس جۇزىندە مەملەكەت قۇرۋ كەزىندە قالانعان. قاتەلىكتەر ەلدىڭ قۇلدىراۋىنا اكەلدى. وسىعان بايلانىستى ەل قۇلادى، ادامدار زارداپ شەكتى. ءبىز قازىر مەملەكەتىمىزدى نىعايتۋ ءۇشىن بارلىعىن جاساي وتىرىپ، ودان قورىتىندى شىعارۋىمىز كەرەك", – دەدى ول.

ءۆولوديننىڭ ءوزى 1991 جىلى  وداقتىڭ كۇيرەۋىنە كسرو ەكس-پرەزيدەنتى ميحايل گورباچەۆتىڭ ساياساتكەر رەتىندەگى السىزدىگى جانە ونىڭ ناعىز كوشباسشى بولا الماۋى ىقپال ەتتى دەپ سانايدى.

«ادىرنا» ۇلتتىق پورتالى

پىكىرلەر