مەملەكەت باسشىسى جوعارعى سوت توراعاسى جاقىپ اسانوۆتى قابىلدادى، - دەپ حابارلايدى “ادىرنا” ۇلتتىق پورتالى اقوردانىڭ رەسمي سايتىنا سىلتەمە جاساپ.
پرەزيدەنتكە سوت جۇيەسىن جاڭعىرتۋ جۇمىستارى جونىندە مالىمەت بەرىلدى. سونداي-اق، جوعارعى سوت توراعاسى مەملەكەت باسشىسىنا اكىمشىلىك راسىمدىك-پروتسەستىك كودەكس كۇشىنە ەنگەننەن كەيىنگى 4 اي ىشىندەگى ناتيجەلەر تۋرالى ايتتى.
ونىڭ ايتۋىنشا، جاڭا كودەكستىڭ ەنگىزىلۋى شەنەۋنىكتەردىڭ ويلاۋ جۇيەسىن وزگەرتۋگە، ءتارتىبىن كۇشەيتۋگە باعىتتالعان.
جاقىپ اسانوۆ پرەزيدەنتكە داۋ-جانجالداردى شەشۋدىڭ بالاما تاسىلدەرىن ەنگىزۋ، سىبايلاس جەمقورلىققا قارسى جاڭا جوبالاردى ىلگەرىلەتۋ، بىركەلكى سوت تاجىريبەسىن جانە قىلمىستىق پروتسەستە تاراپتاردىڭ شىنايى جارىسىن قامتاماسىز ەتۋ جونىندە باياندادى.
قاسىم-جومارت توقاەۆ جۇرگىزىلىپ جاتقان رەفورمالاردىڭ زاڭ ۇستەمدىگىن تولىق قامتاماسىز ەتۋى، ازاماتتاردىڭ قۇقىقتارىنىڭ قورعالۋ دەڭگەيىنىڭ ارتۋىنا سەپتىگىن تيگىزۋى، بيلىكتىڭ سوت تارماعىنا دەگەن قوعامنىڭ سەنىمىن كۇشەيتۋى قاجەت ەكەنىن اتاپ ءوتتى.
”ادىرنا” ۇلتتىق پورتالى
