Memleket basshysy Joǵarǵy sot tóraǵasy Jaqyp Asanovty qabyldady, - dep habarlaıdy “Adyrna” ulttyq portaly Aqordanyń resmı saıtyna silteme jasap.
Prezıdentke sot júıesin jańǵyrtý jumystary jóninde málimet berildi. Sondaı-aq, Joǵarǵy sot tóraǵasy Memleket basshysyna ákimshilik rásimdik-proestik kodeks kúshine engennen keıingi 4 aı ishindegi nátıjeler týraly aıtty.
Onyń aıtýynsha, jańa kodekstiń engizilýi sheneýnikterdiń oılaý júıesin ózgertýge, tártibin kúsheıtýge baǵyttalǵan.
Jaqyp Asanov Prezıdentke daý-janjaldardy sheshýdiń balama tásilderin engizý, sybaılas jemqorlyqqa qarsy jańa jobalardy ilgeriletý, birkelki sot tájirıbesin jáne qylmystyq proeste taraptardyń shynaıy jarysyn qamtamasyz etý jóninde baıandady.
Qasym-Jomart Toqaev júrgizilip jatqan reformalardyń zań ústemdigin tolyq qamtamasyz etýi, azamattardyń quqyqtarynyń qorǵalý deńgeıiniń artýyna septigin tıgizýi, bıliktiń sot tarmaǵyna degen qoǵamnyń senimin kúsheıtýi qajet ekenin atap ótti.
”Adyrna” ulttyq portaly
