ءۇندىستاندا جازىلمايتىن زيكا ۆيرۋسى تاراۋدا

3457
Adyrna.kz Telegram

ءۇندىستاننىڭ ۋتتار-پرادەش شتاتىنداعى ەڭ كوپ قونىستانعان كانپۋر قالاسىندا كەم دەگەندە 89 ادام، ونىڭ ىشىندە 17 بالا زيكا ۆيرۋسىن جۇقتىردى، دەپ حابارلايدى "ادىرنا" ۇلتتىق پورتالى. 

كانپۋردىڭ باس سانيتارلىق دارىگەرى نەپال سينگح شتاتتا زيكا ىندەتىنىڭ ءورشىپ تۇرعانىن ايتتى. ۇندىستانداعى العاشقى جاعداي 2017 جىلى گۋدجاراتتا تىركەلگەن.

ماسالار تاسىمالدايتىن ۆيرۋس بالالارداعى ميكروتسەفاليا جانە گيلەين-باررە سيندرومى (GBS) دەپ اتالاتىن سيرەك اۋتويممۋندى اۋرۋمەن بايلانىستى. ماسالاردان باسقا، ۆيرۋس جىنىستىق جولمەن دە جۇعۋى مۇمكىن.

بۇل ۋتتار-پرادەش شتاتىنداعى زيكا دەرتىنىڭ العاشقى بەلگىلى ىندەتى. 23 قازاندا كانپۋردا ۆيرۋستىڭ العاشقى جاعدايى تىركەلگەننەن بەرى، جۇقتىرعاندار سانى تۇراقتى تۇردە ءوستى، ولاردىڭ اراسىندا ءبىر جۇكتى ايەل بار.

ۋتتار-پرادەش شتاتىنىڭ باس ءمينيسترى يوگي اديتيانات ينفەكتسيانىڭ تەز تارالىپ جاتقانىن مويىنداپ، جەرگىلىكتى شەنەۋنىكتەرگە سانيتارلىق شارالاردى كۇشەيتۋدى بۇيىردى.

«بۇل اۋرۋدىڭ اۋىرلىعىن ەسكەرە وتىرىپ، ءار ناۋقاستىڭ دەنساۋلىق جاعدايىن ۇنەمى باقىلاپ وتىرۋ ءۇشىن ەرەكشە ساقتىق شارالارى قاجەت»، - دەدى ول.

"ادىرنا" ۇلتتىق پورتالى

پىكىرلەر