Úndistannyń Ýttar-Pradesh shtatyndaǵy eń kóp qonystanǵan Kanpýr qalasynda kem degende 89 adam, onyń ishinde 17 bala Zıka vırýsyn juqtyrdy, dep habarlaıdy "Adyrna" ulttyq portaly.
Kanpýrdyń bas sanıtarlyq dárigeri Nepal Sıngh shtatta Zıka indetiniń órship turǵanyn aıtty. Úndistandaǵy alǵashqy jaǵdaı 2017 jyly Gýdjaratta tirkelgen.
Masalar tasymaldaıtyn vırýs balalardaǵy mıkroefalııa jáne Gıleın-Barre sındromy (GBS) dep atalatyn sırek aýtoımmýndy aýrýmen baılanysty. Masalardan basqa, vırýs jynystyq jolmen de juǵýy múmkin.
Bul Ýttar-Pradesh shtatyndaǵy Zıka dertiniń alǵashqy belgili indeti. 23 qazanda Kanpýrda vırýstyń alǵashqy jaǵdaıy tirkelgennen beri, juqtyrǵandar sany turaqty túrde ósti, olardyń arasynda bir júkti áıel bar.
Ýttar-Pradesh shtatynyń bas mınıstri Iogı Adıtıanat ınfekııanyń tez taralyp jatqanyn moıyndap, jergilikti sheneýnikterge sanıtarlyq sharalardy kúsheıtýdi buıyrdy.
«Bul aýrýdyń aýyrlyǵyn eskere otyryp, ár naýqastyń densaýlyq jaǵdaıyn únemi baqylap otyrý úshin erekshe saqtyq sharalary qajet», - dedi ol.
"Adyrna" ulttyq portaly
