مەتان گازىنىڭ جارىلۋىنان زارداپ شەككەن شاحتەرلەر رەانيماتسيادان قاراعاندى وبلىستىق ماقاجانوۆ اتىنداعى مەديتسينالىق ورتالىعىنىڭ توكسيكولوگيا بولىمشەسىنە اۋىستىرىلدى، دەپ حابارلايدى "ادىرنا" ۇلتتىق پورتالى.
- 7 قاراشادا ماقاجانوۆ اتىنداعى ەمحاناعا مەتان جانە كومىرقىشقىل گازىنان ۋلانعان 1960 جانە 1963 جىلى تۋىلعان ەكى ناۋقاس جەتكىزىلدى. ولار العاشقى كومەك الۋ ءۇشىن جانساقتاۋ بولىمىنە ءتۇستى. ناۋقاستار بۇگىن وزدەرىن جاقسى سەزىنگەندىكتەن، پالاتاعا اۋىستى", - دەدى ماقاجانوۆ اتىنداعى ومس جاعداي ورتالىعىنىڭ باسشىسى ەرىك شونباەۆ.
وسى ورايدا، بۇگىن قاراعاندى وبلىسىنىڭ اكىمى كەڭەس وتكىزىپ، بارلىق شاحتالارداعى گازدىڭ لاستانۋ دەڭگەيىن جانە وڭىردەگى بارلىق وندىرىستىك نىساندارداعى قاۋىپسىزدىك ەرەجەلەرىنىڭ ساقتالۋىن تەكسەرۋدى تاپسىردى. توتەنشە جاعدايدىڭ سەبەپتەرى مەن جاعدايلارىن تەرگەۋ بارىسىندا "ارسەلورميتتال تەمىرتاۋ" اق-نىڭ بارلىق شاحتالارىنىڭ قىزمەتى توقتاتىلدى.
ەستەرىڭىزگە سالا كەتەيىك، 7 قاراشا ساعات 08.30-دا اباي شاحتاسىندا جارىلىس بولدى. بۇل كەزدە جەر استىندا 64 ادام بولعان. 6 ادام قازا تاپتى.
"ادىرنا" ۇلتتىق پورتالى
