شىمكەنت قالاسىندا بۇگىنگە دەيىن 81 ەلدىمەكەننىڭ 69-ى ساپالى سۋمەن قامتىلعان. 5 ەلدىمەكەنگە كەستەمەن بەرىلسە، 7-ەۋىنە اۋىز سۋ تاسىمالدانادى. «اكىم ساعاتى» باعدارلاماسىندا قالا اكىمى مۇرات ايتەنوۆ ەلدىمەكەندەردىڭ اۋىز سۋمەن قامتىلۋى جونىندە باياندادى.
بيىل قالادا 3 ماگيسترالدى سۋاققى مەن 11 ىشكى ورامدىق جۇيەنىڭ قۇرىلىى جۇرگىزىلۋدە. توعىز ايدىڭ قورىتىندىسى بويىنشا 2 شاعىناۋداندا (تۇران، ىنتىماق-2) قۇرىلىس جۇمىسى اياقتالىپ، پايدالانۋعا بەرىلدى.
جىل سوڭىنا دەيىن سۋدى تاسىمالدايتىن سولتۇستىك ساياجاي، باتىس، جاڭاتۇرلان، اسار-2, اقتاس تۇرعىن الابتارى مەن كەستەمەن بەرىلىپ كەلگەن جاڭاتالاپ، ساۋلە ( دكز) ش/ا، نۇرتاستىڭ جاڭاقۇرىلىس اۋماعىندا قۇرىلىس جۇمىسى اياقتالادى. ناتيجەسىندە 25,6 مىڭ ادام اۋىز سۋعا قول جەتكىزىپ، قامتىلۋ كورسەتكىشى 95,6%-دان، 98%-عا وسەدى.
جىل سوڭىنا دەيىن 3 ماگيسترالدى سۋاققىنىڭ قۇرىلىسى اياقتالىپ، پايدالانۋعا بەرىلمەك. قالانىڭ دامۋ جوسپارىنا سايكەس، 2023 جىلى ساپالى اۋىز سۋ ماسەلەسى تولىعىمەن شەشىلەدى.
«ادىرنا» ۇلتتىق پورتالى
