بۇقارالىق سپورتتىڭ دامۋى سپورت نىساندارىنىڭ قولجەتىمدىلىگىندە

2848
Adyrna.kz Telegram

شىمكەنت قالاسىندا بۇقارالىق سپورتتى، سپورتتىق ينفراقۇرىلىمدى دامىتۋ، جوعارى سپورت شەبەرلىگى بويىنشا جۇيەلى جۇمىستار اتقارىلۋدا. 2021 جىلدىڭ 9 ايىندا حالىقتىڭ دەنە شىنىقتىرۋمەن جانە سپورتپەن جۇيەلى تۇردە قامتىلۋ كورسەتكىشى 31 %-دان استى.

شاھاردا 2021-2025 جىلدارى 115 زاماناۋي سپورت الاڭدارىن سالۋ، «مەتاللۋرگ» ستاديونىن قايتا جاڭعىرتۋ، №12 بالالار مەن جاسوسپىرىمدەر سپورت مەكتەبىنىڭ سپورت كەشەنىن پايدالانۋعا بەرۋ، 14 مىڭنان استام بالالارعا سپورت سەكتسيالارىن اشۋ، زاماناۋي يپپودروم قۇرىلىسى جانە تاعى باسقا ءتيىستى جۇمىستار جۇرگىزىلەدى. وسى جۇمىستاردىڭ ناتيجەسىندە حالىقتىڭ بۇقارالىق سپورتپەن قامتىلۋى 35 %-دان اسادى. 2021 جىلى 4 096 بالا سپورت سەكتسيالارىمەن قامتىلدى.

شاھاردا سپورت نىساندارىنىڭ سانى – 890. كوپقاباتتى تۇرعىن ءۇي اۋلالارىنىڭ 77 % سپورت جانە ويىن الاڭشالارىمەن قامتاماسىز ەتىلگەن.

2021 جىلى سپورت الاڭشالارىنىڭ قۇرىلىس جوسپارىنا سايكەس، اباي اۋدانىندا 33 سپورت الاڭشا، ەڭبەكشى اۋدانىندا 14, قاراتاۋ اۋدانىندا 21 سپورت الاڭشاسىنىڭ قۇرىلىسى باستالعان. جالپى 68 سپورت الاڭشانىڭ قۇرىلىسى قولعا الىنعان. ونىڭ ىشىندە، جەكە قاراجات ەسەبىنەن 14 سپورت الاڭشا سالىنادى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر