ەنەرگەتيكا مينيسترلىگى مۇناي وڭدەۋ زاۋىتتارىندا جانار-جاعارمايدىڭ ۇزدىكسىز ءوندىرىلىپ جاتقانىن، بەنزين حالىقتىڭ سۇرانىسىن تولىق قامتاماسىز ەتۋگە جەتكىلىكتى ەكەنىن جەتكىزدى دەپ حابارلايدى "ادىرنا" ۇلتتىق پورتالى "Zakon.kz-كە" سىلتەمە جاساپ.
"قوردىڭ كولەمى حالىقتىڭ بەنزينگە دەگەن سۇرانىسىن تولىق قامتاماسىز ەتۋگە جەتكىلىكتى. وسى جاعىنان العاندا، بەنزين تاپشىلىعىنىڭ ورىن الۋىنا نەگىز دە، العىشارتتار دا جوق", - دەپ حابارلايدى قر ەنەرگەتيكا مينيسترلىگىنىڭ ءباسپاسوز قىزمەتى.
مينيسترلىك ەندى جانار-جاعارماي قۇنىنىڭ نەگىزسىز ءوسىمى مەن نارىقتا جاساندى تاپشىلىق تۋعىزۋ فاكتىلەرى تىركەلسە، ءتيىستى شارالار قابىلداۋ ءۇشىن قۇزىرلى ورگاندارعا جولداناتىنىن جەتكىزدى.
"ادىرنا" ۇلتتىق پورتالى
