قازاقستاندىقتار جاپپاي پولشاعا جۇمىس ىستەۋگە بارادى. قازاقستاندىق گاستاربايتەرلەر ءۇشىن بۇل ەل رەسپۋبليكاداعى وڭتۇستىك كورەيادان كەيىنگى ەكىنشى ورىندا دەپ حابارلايدى "ادىرنا" ۇلتتىق پورتالى "ەكسپرەسس ك" اقپارات اگەنتتىگىنە سىلتەمە جاساپ.
"پولشادا جۇمىس ىستەيتىن قازاقستاندىقتار وتە كوپ. ءوز باسىم ونداعان ادامدى جىبەرىپ قويدىم. قازىر پولشاداعى ەڭبەك ميگرانتتارىن تارتاتىن ءاربىر زاۋىتتا قازاقستاندىقتار بار. ونىڭ ۇستىنە قىزدار دا، ەر بالالار دا. ءتىپتى وتباسىمەن بارۋشىلار دا بار »، - دەيدى پولياك كومپانيالارىن جالدايتىن رەكرۋتينگتىك كومپانيانىڭ مەنەدجەرى.
ونىڭ ايتۋىنشا، پولياك جۇمىس بەرۋشىلەرى ەڭبەك ميگرانتتارىنا قىزىعۋشىلىق تانىتىپ وتىر. جانە ولاردىڭ جالاقىسىنىڭ ازدىعىنان عانا ەمەس، كۇنىنە 12 ساعات جۇمىس ىستەي الاتىندىعىنان. پولياكتاردىڭ وزدەرى كۇنىنە 8 ساعاتتان ارتىق جۇمىس جاسامايدى.
قازاقستاندىقتار ءۇشىن ءتيىمدى فاكتورلاردىڭ ءبىرى – ەڭبەك ميگرانتىنىڭ ءبىر جىلدان كەيىن تۇرۋعا رۇقسات الۋى. جانە بۇل سىزگە جۇمىسىڭىزدى جوعارى جالاقىسى بار جۇمىسقا اۋىستىرۋعا عانا ەمەس، سونىمەن قاتار ەۋروپالىق وداق بويىنشا ەركىن ساياحاتتاۋعا مۇمكىندىك بەرەدى.
"وڭتۇستىك كورەيادان ايىرماشىلىعى، پولشادا ءبارى زاڭدى. ەڭبەك ميگرانتىندا بارلىق قۇجاتتارى راسىمدەلگەن. سالىق تولەيدى، مەديتسينالىق ساقتاندىرۋى بار، ءتىپتى اۋرۋ دەمالىسى دا بار. جانە جاتاقحانا بەرىلەدى. ءبىر بولمەدە ەكى ادام تۇرا الادى", - دەدى اگەنتتىك قىزمەتكەرى.
"ادىرنا" ۇلتتىق پورتالى
