Qazaqstandyqtar jappaı Polshaǵa jumys isteýge barady. Qazaqstandyq gastarbaıterler úshin bul el respýblıkadaǵy Ońtústik Koreıadan keıingi ekinshi orynda dep habarlaıdy "Adyrna" ulttyq portaly "Ekspress K" aqparat agenttigine silteme jasap.
"Polshada jumys isteıtin qazaqstandyqtar óte kóp. Óz basym ondaǵan adamdy jiberip qoıdym. Qazir Polshadaǵy eńbek mıgranttaryn tartatyn árbir zaýytta qazaqstandyqtar bar. Onyń ústine qyzdar da, er balalar da. Tipti otbasymen barýshylar da bar », - deıdi polıak kompanııalaryn jaldaıtyn rekrýtıngtik kompanııanyń menedjeri.
Onyń aıtýynsha, polıak jumys berýshileri eńbek mıgranttaryna qyzyǵýshylyq tanytyp otyr. Jáne olardyń jalaqysynyń azdyǵynan ǵana emes, kúnine 12 saǵat jumys isteı alatyndyǵynan. Polıaktardyń ózderi kúnine 8 saǵattan artyq jumys jasamaıdy.
Qazaqstandyqtar úshin tıimdi faktorlardyń biri – eńbek mıgrantynyń bir jyldan keıin turýǵa ruqsat alýy. Jáne bul sizge jumysyńyzdy joǵary jalaqysy bar jumysqa aýystyrýǵa ǵana emes, sonymen qatar Eýropalyq Odaq boıynsha erkin saıahattaýǵa múmkindik beredi.
"Ońtústik Koreıadan aıyrmashylyǵy, Polshada bári zańdy. Eńbek mıgrantynda barlyq qujattary rásimdelgen. Salyq tóleıdi, medıınalyq saqtandyrýy bar, tipti aýrý demalysy da bar. Jáne jataqhana beriledi. Bir bólmede eki adam tura alady", - dedi agenttik qyzmetkeri.
"Adyrna" ulttyq portaly
