«Ońtústik» تەلەارناسىنىڭ ەفيرىندە قالا تۇرعىندارىمەن تىكەلەي بايلانىسقا شىققان شىمكەنت قالاسىنىڭ اكىمى مۇرات ايتەنوۆ ءبىلىم سالاسىنىڭ الداعى جوسپارىمەن ءبولىستى.
بيىل قالادا 202 – ورتا ءبىلىم بەرۋ ۇيىمدارىندا 242 525 وقۋشى ءبىلىم الۋدا. قازىر 9 مەكتەپ ءۇش اۋىسىمدا وقىتۋدا، 4 مەكتەپ ىڭعايلاستىرىلسا، مەكتەبى جوق 11 ەلدى مەكەن بار. ال بالا-باقشامەن قامتۋ 100 پايىز جۇزەگە اسىرىلعان.
قالا اكىمى ەفير بارىسىندا مەملەكەت باسشىسىنىڭ تاپسىرماسىنا سايكەس، الداعى 5 جىلدا 101 مەكتەپ سالىناتىنىن ايتتى.
جىل باسىندا 32 مەكتەپتىڭ قۇرىلىسى باستالىپ، قازىر ونىڭ 24-ءى پايدالانۋعا بەرىلگەن. ونىڭ ىشىندە 20 مەكتەپ جەكەمەنشىك بولسا، 4 ءبىلىم ۇيىمى بيۋدجەت ەسەبىنەن سالىنعان.
–جۇيەلى جۇمىستىڭ ناتيجەسىندە قالادا اپاتتى مەكتەپ ماسەلەسى تولىعىمەن جويىلدى. ءۇش اۋىسىمدى مەكتەپتەر سانى 14-تەن 9-عا، ىڭعايلاستىرىلعان مەكتەپتەر سانى 5-تەن 4-كە كەمىدى، مەكتەبى جوق شاعىناۋداندار 13-تەن 11-گە، وقۋشى تولىمدىلىعى ارتقان مەكتەپتەر سانى 21-دەن 17-گە ازاياتىن بولادى. جارقىن بولاشاق ءۇشىن ءبىلىم وشاقتارىن جوعارى دارەجەدە جابدىقتاۋ مەن جاعداي جاساۋ باستى مىندەتىمىز، -دەدى قالا اكىمى.
