بۇگىن شىمكەنت قالاسى «دارىن» ورتالىعىنىڭ ۇيىمداستىرۋىمەن «مەنىڭ كىشى وتانىم» اتتى IV رەسپۋبليكالىق ينتەللەكتۋالدىق بايقاۋىنىڭ قالالىق كەزەڭى ءال-فارابي اكادەميالىق مەكتەبى بازاسىندا وفلاين فورماتتا ءوتتى.
بايقاۋدىڭ ماقساتى تۋعان ەلدىڭ تاريحىنا اسا قىزىعۋشىلىق تانىتاتىن تالانتتى وقۋشىلاردى انىقتاپ، ولاردىڭ شىعارماشىلىق قابىلەتىن، قوعامدىق بەلسەندىلىگىن دامىتۋ. ولاردىڭ بويىندا پاتريوتيزم مەن ازاماتتىق سەزىمدى قالىپتاستىرۋ، سونىمەن بىرگە تاريح جانە ولكەتانۋ بويىنشا ءبىلىمىن ارتتىرۋ.
وقۋشىلاردىڭ اراسىندا وتكەن بايقاۋدىڭ قالالىق كەزەڭىنە 75 مەكتەپتەن 237 وقۋشى قاتىستى. بايقاۋ قازاق جانە ورىس تىلدەرىندە، قازاقستان تاريحى پانىنەن تەست تۇرىندە وتكىزىلىپ، ZOOM پلاتفورماسى ارقىلى بەينەباقىلاۋمەن باقىلاندى جانە مەكتەپ اكىمشىلىكتەرىنە تىكەلەي ەفيردە وليمپيادا بارىسىن قاشىقتىقتان باقىلاۋعا مۇمكىندىك جاسالىندى.
بايقاۋدىڭ قورىتىندىسى بويىنشا وقۋشىلاردىڭ جۇمىستارى شيفرلانىپ، www.daryn-shymkent.kz ۆەب-سايتىنا جۇكتەلدى.
شىمكەنت قالاسى اقپاراتتىق-كوممۋنيكاتسيالىق ورتالىعى
