بۇگىن اقپاراتتىق-كوممۋنيكاتسيالىق ورتالىعىندا «الەۋمەتتىك مەديتسينالىق ساقتاندىرۋ قورى» كەاق شىمكەنت قالالىق فيليالىنىڭ ديرەكتورى ءسابيت قۇرالبەكتىڭ قاتىسۋىمەن بريفينگ ءوتتى.
ءباسپاسوز ماجىلىسىندە «الەۋمەتتىك مەديتسينالىق ساقتاندىرۋ جۇيەسى» اياسىندا شىمكەنت قالاسى بويىنشا فيليالىنىڭ ديرەكتورى س.قۇرالبەك مىندەتتى مەديتسينالىق ساقتاندىرۋ جۇيەسىنىڭ حالىققا ءتيىمدى تۇستارىنا توقتالدى.
– مەديتسينالىق ساقتاندىرۋ جۇيەسى ەنگىزىلگەننەن كەيىن تۇرعىنداردىڭ دەنساۋلىعىن ساقتاۋعا بولىنگەن قاراجات مولشەرى ۇلعايدى. ياعني، بۇل جۇيە ەنگىزىلگەن ۋاقىتقا دەيىن ازاماتتار تەك قانا تەگىن مەديتسينالىق كومەكتىڭ كەپىلدەنگەن كولەمى شەڭبەرىندە مەديتسينالىق كومەكتى الاتىن. ال بۇگىندە جۇيەنىڭ قاتىسۋشىلارى قوسىمشا قاراجات جۇمساماي، مىندەتتى الەۋمەتتىك ساقتاندىرۋ جۇيەسىندە قوسىمشا مەديتسينالىق كومەك الۋ مۇمكىندىگىنە يە. بارلىق جۇيەنىڭ قاتىسۋشىسى تابىس مولشەرىنە قاراماستان، وسى جۇيەدە كورسەتىلەتىن بارلىق مەديتسينالىق كومەككە، ونىڭ ىشىندە جوعارى تەحنولوگيالىق زەرتتەۋلەر، قىمبات مەديتسينالىق قىزمەتتەر جانە وتالارعا بىردەي قول جەتكىزە الادى، – دەدى ءسابيت رايىمبەكۇلى.
سپيكەردىڭ سوزىنشە، قالادا حالىققا مەديتسينالىق كومەك كورسەتۋگە ۇمىتكەر مەديتسينالىق مەكەمەلەر سانى ۇلعايعان. وسى جىلى 120 مەديتسينالىق مەكەمەمەن كەلىسىمشارت جاسالعان. ونىڭ 87-ءسى جەكە مەنشىك يەسىندەگى ۇيىمداردى (72,5%) قۇرايدى. مەديتسينالىق مەكەمە سانىنىڭ ارتۋى ولاردىڭ اراسىندا شىنايى باسەكەلەستىكتى تۋعىزادى. ال اتالعان جۇيەدە ءار تۇرعىن ەمدەۋ مەكەمەسىن تاڭداۋعا قۇقىلى. بۇل رەتتە مەديتسينالىق مەكەمەلەر تۇرعىنداردى وزدەرىنىڭ مەكەمەسىنە تارتۋ ءۇشىن جاعداي جاسايدى. ءبىرىنشى كەزەكتە مەديتسينالىق كومەك ساپاسىن ارتتىرادى.
بريفينگتە بەلگىلى بولعانداي تۇرعىندار اراسىندا «Qoldau 24/7» اتتى موبيلدىك قوسىمشاسى كەڭىنەن تاراۋدا. بۇل قوسىمشا ارقىلى ءار تۇرعىن ساقتاندىرۋ بويىنشا تولىق اقپارات الۋعا، دەنساۋلىق ساقتاۋ سالاسىنداعى وزگەرىستەر مەن ۇسىنىستار قالدىرۋعا، مەديتسينالىق مەكەمە نەمەسە مەديتسينا قىزمەتكەرلەرى تاراپىنان بولعان كەمشىلىكتەر تۋرالى ارىز-شاعىم تۇسىرۋگە بولادى.
ايتا كەتەيىك، مىندەتتى الەۋمەتتىك مەديتسينالىق ساقتاندىرۋ جۇيەسىنىڭ باستى تالابى – ول ءار تۇرعىننىڭ وسى جۇيەنىڭ قاتىسۋشىسى بولۋى. ياعني وسى جۇيەدە «ساقتاندىرىلعان» مارتەبەسىنە يە بولىپ، قاجەت بولعان جاعدايدا دەر كەزىندە مەديتسينالىق كومەككە قول جەتكىزۋى. بۇل باعىتتا تۇرعىنداردى وسى جۇيەگە بارىنشا تارتۋ جۇمىستارى جالعاسۋدا. شىمكەنت قالاسى بويىنشا بۇگىندە ساقتاندىرىلعاندار سانى 882 807 (80,8%) قۇراسا، ساقتاندىرىلماعاندار سانى 210 377 تۇرعىندى (18,2%) قۇراپ وتىر.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو: ەرنار مامىر
