گارۆارد ۋنيۆەرسيتەتىنىڭ ستۋدەنتى، نازارباەۆ مەكتەبىنىڭ تۇلەگى 20 جاستاعى اقنازار ارمانۇلىنىڭ ءىز-ءتۇسسىز جوعالىپ، بوستاندىق اۋدانىنان ءمايىتى تابىلعان ەدى. ۇلان گازەتىنىڭ باس رەداكتورى جادىرا نارماحانوۆا فەيسبۋك پاراقشاسىندا اسەرلى جازبا قالدىردى، دەپ حابارلايدى “ادىرنا” ۇلتتىق پورتالى.
ايتۋىنشا، اقنازاردىڭ جەتكەن جەتىستىكتەرىن گازەت بەتىنە جاريالاپ تۇرعانىن، ءۇمىت كۇتتىرەر بالا ەكەنىن ايتىپ، كوڭىل ءبىلدىردى.
اقنازار ماڭدايى جارقىراعان، ءبىلىمدى بالا ەدى. ونىڭ جەتىستىگىن ۇنەمى گازەتكە بەرىپ تۇردىق. زور ءۇمىت كۇتتىك. بۇل پانيدەن ءوتتى دەگەنگە سەنە الماي وتىرمىن...
اقنازار ءتىپتى بيلل گەيتستىڭ كوزىنە ءتۇسىپ، ءوز اۋزىنان ماقتاۋ ءسوز ەستىگەن ەكەن.
نازارباەۆ مەكتەبىندەگى وقۋشىلاردىڭ ءبىر-ءبىرىن ىزدەپ، باعالاپ جۇرەتىنىنە سۇيسىندىك. 2018 جىلدىڭ سوڭىندا وسى مەكتەپتىڭ تۇلەگى اقنازار قاجىمۇرات تا گارۆارد ۋنيۆەرسيتەتىنە شاقىرتۋ العان ەدى. اقنازار دا تولىق گرانت يەگەرى. ول SAT Subject Tests حالىقارالىق ەمتيحاندارىندا ەڭ جوعارعى ۇپايدى جينادى. بالالار اقنازاردىڭ دا جاعدايىن سۇراپ، دۇعاي سالەم ايتتى. سەليمجان اڭگىمەسىن ازىلمەن باستادى.
«ءالى كۇنگە دەيىن تەلەفون ۇستامايدى. ەكەۋمىزدىڭ جاتاقحانامىز ەكى جاقتا. ونىڭ جاعدايىن ءبىلۋ ءۇشىن جاتاقحاناسىنا ىزدەپ بارامىن. وتە الىستا تۇرادى. ول ساباققا بارمايدى، لەكتسيا جازبايدى. بىراق ۇزدىك ستۋدەنتتىڭ ءبىرى. ساباعىنىڭ ءبارىن «5-كە» وقيدى. قازىر جوعارى ماتەماتيكا بولىمىندە وقىپ جاتىر. بيلل گەيتستىڭ لەكتسياسىندا ونىڭ اتىن اتاپ، ماقتاپتى. ونى ەستىپ مەن قاتتى قۋاندىم»، – دەدى جىميىپ.
“ادىرنا” ۇلتتىق پورتالى
