Garvard ýnıversıtetiniń stýdenti, Nazarbaev mektebiniń túlegi 20 jastaǵy Aqnazar Armanulynyń iz-tússiz joǵalyp, Bostandyq aýdanynan máıiti tabylǵan edi. Ulan gazetiniń bas redaktory Jadyra Narmahanova feısbýk paraqshasynda áserli jazba qaldyrdy, dep habarlaıdy “Adyrna” ulttyq portaly.
Aıtýynsha, Aqnazardyń jetken jetistikterin gazet betine jarııalap turǵanyn, úmit kúttirer bala ekenin aıtyp, kóńil bildirdi.
Aqnazar mańdaıy jarqyraǵan, bilimdi bala edi. Onyń jetistigin únemi gazetke berip turdyq. Zor úmit kúttik. Bul pánıden ótti degenge sene almaı otyrmyn...
Aqnazar tipti Bıll Geıtstiń kózine túsip, óz aýzynan maqtaý sóz estigen eken.
Nazarbaev mektebindegi oqýshylardyń bir-birin izdep, baǵalap júretinine súısindik. 2018 jyldyń sońynda osy mekteptiń túlegi Aqnazar Qajymurat ta Garvard ýnıversıtetine shaqyrtý alǵan edi. Aqnazar da tolyq grant ıegeri. Ol SAT Subject Tests halyqaralyq emtıhandarynda eń joǵarǵy upaıdy jınady. Balalar Aqnazardyń da jaǵdaıyn surap, duǵaı sálem aıtty. Selımjan áńgimesin ázilmen bastady.
«Áli kúnge deıin telefon ustamaıdy. Ekeýmizdiń jataqhanamyz eki jaqta. Onyń jaǵdaıyn bilý úshin jataqhanasyna izdep baramyn. Óte alysta turady. Ol sabaqqa barmaıdy, lekııa jazbaıdy. Biraq úzdik stýdenttiń biri. Sabaǵynyń bárin «5-ke» oqıdy. Qazir joǵary matematıka bóliminde oqyp jatyr. Bıll Geıtstiń lekııasynda onyń atyn atap, maqtapty. Ony estip men qatty qýandym», – dedi jymıyp.
“Adyrna” ulttyq portaly
