قازاقستان قىزىلشادان 2 بالا قايتىس بولدى. تاعى 15 بالا جانساقتاۋ بولىمىندە جاتىر. بۇل جونىندە دەنساۋلىق ساقتاۋ ۆيتسە-ءمينيسترى ايجان ەسماعامبەتوۆا مالىمدەدى، دەپ حابارلايدى “ادىرنا” ۇلتتىق پورتالى.
«ولىمگە اكەلگەن 2 جاعداي استانا جانە شىعىس قازاقستان وبلىسىندا تىركەلدى. ولار ءبىر جاسقا دەيىنگى بالالار، ياعني ۆاكتسيناتسيا جاسىنا جەتكەن جوق. بالالاردىڭ ءبىرى مەرزىمىنەن بۇرىن دۇنيەگە كەلگەن، وعان كەيىن قىزىلشا قوسىلدى»، - دەدى ەسماعامبەتوۆا.
سونداي-اق، ەلىمىزدە 100 مىڭ ادامعا 69 اۋرۋ جاعدايى تىركەلگەن. جىل باسىنان بەرى 13 254 ادام قىزىلشا جۇقتىرعان بولسا، ونىڭ 81 پايىزى كامەلەتكە تولماعان بالالار. سونداي-اق، قىزىلشانىڭ تارالۋى تۋرالى اقش-تىڭ اۋرۋلاردى باقىلاۋ جانە الدىن الۋ ورتالىعى (CDC) دايىنداعان رەيتيڭدە قازاقستان يەمەن مەن 1,4 ملرد حالقى بار ءۇندىستاننان كەيىن ءۇشىنشى ورىندا.
ۇقساس جاڭالىقتار
