قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىقتىڭ لاۋرەاتى، بەلگىلى سۋرەتشى-گرافيك، كىتاپ يلليۋستراتورى، پروفەسسور اعىمسالى دۇزەلحانۇلى دۇزەلحانوۆ 74 جاسىندا ومىردەن ءوتتى، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسى كوركەم اكادەمياسى.
اعىمسالى دۇزەلحانوۆ 1951 جىلى 19 تامىزدا قىزىلوردا وبلىسى، قازالى قالاسىندا دۇنيەگە كەلگەن. ول ن.ۆ. گوگول اتىنداعى الماتى كوركەمسۋرەت ۋچيليششەسىن جانە سۋريكوۆ اتىنداعى ماسكەۋ مەملەكەتتىك كوركەمسۋرەت ينستيتۋتىن تامامداعان.
سۋرەتشى شىعارماشىلىق جولىن 1973 جىلى باستاعان. ول كەسكىندەمە، ستانوكتىق گرافيكا جانە كىتاپ يلليۋستراتسياسى سالاسىندا ەڭبەك ەتىپ، فولكلورلىق-تاريحي تاقىرىپتارعا ارنالعان ەڭبەكتەرىمەن تانىلدى.
ونىڭ كارتينالارى قازاقستان پرەزيدەنتى رەزيدەنتسيالارىندا، استانا مەن الماتىداعى مەملەكەتتىك مەكەمەلەردە، مۋزەيلەر مەن جەكە كوللەكتسيالاردا ساقتالعان.
2000 جىلى دۇزەلحانوۆ بۇۇ ۇيىمداستىرعان «Global Art–2000» حالىقارالىق كورمە-بايقاۋىندا جەڭىمپاز اتانىپ، الەمنىڭ ۇزدىك 33 سۋرەتشىسىنىڭ قاتارىنا ەندى. سونىمەن قاتار ول «اتامۇرا» كورپوراتسياسىنىڭ جاڭا بۋىن وقۋلىقتارىن بەزەندىرىپ، جاس ۇرپاققا ارنالعان وقۋ-ادىستەمەلىك قۇرالدار جازدى.
