3 قاراشادا تۇرىكمەنستاننىڭ وڭتۇستىك-شىعىسىنداعى مارى قالاسىندا ورنالاسقان مەكتەپ جانىنداعى ايالدامادا جارىلىس بولدى، دەپ حابارلايدى «ادىرنا» ءتىلشىسى turkmen.news-كە سىلتەمە جاساپ.
قۋانىشقا وراي، وقيعا بولعان ساتتە ايالداما ماڭىندا بالالار دا، باسقا ازاماتتار دا بولماعان.
باسىلىمنىڭ مالىمەتىنشە، جارىلىس گوۆشۋت حان كوشەسىندە كەشكىلىك ۋاقىتتا باستالعان.
جەرگىلىكتى تۇرعىنداردىڭ ايتۋىنشا، بۇل ايالدامادا سۋ سۇزگىلەرىن ساتاتىن دۇكەن بار. جارىلىس الدىندا عيماراتقا جوندەۋ جۇمىستارى جۇرگىزىلگەن. كوپشىلىك توتەنشە جاعداي قاۋىپسىزدىك تەحنيكاسىنىڭ بۇزىلۋىنا بايلانىستى بولۋى مۇمكىن دەپ وتىر.
ايتا كەتەيىك، رەسمي باق بولعان جاعداي تۋرالى مالىمدەمە جاسامادى.
«ادىرنا» ۇلتتىق پورتالى
