3 qarashada Túrikmenstannyń ońtústik-shyǵysyndaǵy Mary qalasynda ornalasqan mektep janyndaǵy aıaldamada jarylys boldy, dep habarlaıdy «Adyrna» tilshisi turkmen.news-ke silteme jasap.
Qýanyshqa oraı, oqıǵa bolǵan sátte aıaldama mańynda balalar da, basqa azamattar da bolmaǵan.
Basylymnyń málimetinshe, jarylys Govshýt han kóshesinde keshkilik ýaqytta bastalǵan.
Jergilikti turǵyndardyń aıtýynsha, bul aıaldamada sý súzgilerin satatyn dúken bar. Jarylys aldynda ǵımaratqa jóndeý jumystary júrgizilgen. Kópshilik tótenshe jaǵdaı qaýipsizdik tehnıkasynyń buzylýyna baılanysty bolýy múmkin dep otyr.
Aıta keteıik, resmı BAQ bolǵan jaǵdaı týraly málimdeme jasamady.
«Adyrna» ulttyq portaly
