قازبەك بەيسەباەۆ: "قازىر بىزدە نە بار، ەشتەڭە جوق. اقشا جوق، ەكونوميكا "بىت-شىت", جاعداي "ترەۆوجنىي"

4309

ينۆەستيتسيا دەگەن - قولداعى قاراجاتتى قانداي دا ءبىر ءوندىرىستى دامىتۋعا سالىپ، سول ارقىلى كەلەشەكتە پايدا تابۋ. بىزدە ول تەك شيكىزات وندىرىسىمەن تىعىز بايلانىستى. سوندىقتان شەتەلدىك ينۆەستيتسيانىڭ ءبارى سول سالاعا كەتتى. 2008 جىلى داعدارىس بولسا دا، ول ەكونوميكامىزدىڭ دامۋى ءۇشىن ەڭ قولايلى كەزەڭنىڭ ءبىرى بولدى. شەتەلدەن ينۆەستيتسيا تارتپاي-اق، كوپ نارسە جاساۋعا مۇمكىندىك بولدى. ەكونوميكامىزعا الەمنىڭ دامىعان ەلدەرىنىڭ تاجىريبەسىن الۋ كەرەك ەدى.

وزگە ەلدەردىڭ وزىعىن ءوز تاجىريبەمىزگە ەنگىزۋ ارقىلى ءوز ەكونوميكامىزدى اياققا تۇرعىزىپ الۋعا مۇمكىندىك بولدى. مىسالى، نەمىستەرمەن كولىك ينفراقۇرىلىمىن دامىتۋ، فرانتسۋز، جاپوندار جانە وڭتۇستىك كورەيالىقتارمەن اۋىل شارۋاشىلىعى ونىمدەرىن قايتا وڭدەۋ سياقتى دۇرىس دۇنيەلەردى ۇيرەنىپ الۋعا بولاتىن ەدى.

2016 جىلدىڭ اياعىندا تۇڭعىش پرەزيدەنت توكيو مەن سەۋلگە بارىپ، قازاقستانعا جاپوندىق جانە وڭتۇستىك كورەيالىق فيرمالاردى جۇمىس ىستەۋگە شاقىردى. بىراق كورىپ وتىرعانىمىزداي، ەلگە قىزىعۋشىلىق تانىتقاندار از بولدى. ونەركاسىپ سالاسىندا ماڭىزدى ەشتەڭە جاسالمادى. جىل سايىن مىڭداعان كاسىپورىندار سالىندى، دەگەنمەن ءىس جۇزىندە ەشتەڭە وزگەرمەدى. تەك ادەمى سوزدەر بولىپ قالدى.

وزىق ەلدەرمەن پايدالى ىنتىماقتاستىقتىڭ ورنىنا مەملەكەتتىك قارجى بوس باعدارلامالار مەن ءمان-ماعىناسىز اۋقىمدى ءىس-شارالارعا جۇمسالدى. مىسالى، ەكسپو ۇيىمداستىرۋعا كەتكەن قارجىنىڭ ورنىنا (بەيرەسمي اقپارات بويىنشا 5 ميلليارد دوللاردان استام قارجى جۇمسالعان) مۇناي وڭدەۋ نەمەسە اۋىل شارۋاشىلىعى ونىمدەرىن قايتا وڭدەۋ زاۋىتتارىن سالۋعا، قتج جۇمىسىن جاقسارتۋعا، جاڭا جولدار سالۋعا بولاتىن ەدى. بىراق ەشتەڭە جاسالمادى. قازىر بىزدە نە بار، ەشتەڭە جوق. اقشا جوق، ەكونوميكا بىت-شىت، جاعداي "ترەۆوجنىي".

 

قازبەك بەيسەباەۆ،

"ادىرنا" ۇلتتىق پورتالى.

 

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket