Investıııa degen - qoldaǵy qarajatty qandaı da bir óndiristi damytýǵa salyp, sol arqyly keleshekte paıda tabý. Bizde ol tek shıkizat óndirisimen tyǵyz baılanysty. Sondyqtan sheteldik ınvestıııanyń bári sol salaǵa ketti. 2008 jyly daǵdarys bolsa da, ol ekonomıkamyzdyń damýy úshin eń qolaıly kezeńniń biri boldy. Shetelden ınvestıııa tartpaı-aq, kóp nárse jasaýǵa múmkindik boldy. Ekonomıkamyzǵa álemniń damyǵan elderiniń tájirıbesin alý kerek edi.
Ózge elderdiń ozyǵyn óz tájirıbemizge engizý arqyly óz ekonomıkamyzdy aıaqqa turǵyzyp alýǵa múmkindik boldy. Mysaly, nemistermen kólik ınfraqurylymyn damytý, franýz, japondar jáne ońtústik koreıalyqtarmen aýyl sharýashylyǵy ónimderin qaıta óńdeý sııaqty durys dúnıelerdi úırenip alýǵa bolatyn edi.
2016 jyldyń aıaǵynda tuńǵysh Prezıdent Tokıo men Seýlge baryp, Qazaqstanǵa japondyq jáne ońtústik koreıalyq fırmalardy jumys isteýge shaqyrdy. Biraq kórip otyrǵanymyzdaı, elge qyzyǵýshylyq tanytqandar az boldy. Ónerkásip salasynda mańyzdy eshteńe jasalmady. Jyl saıyn myńdaǵan kásiporyndar salyndy, degenmen is júzinde eshteńe ózgermedi. Tek ádemi sózder bolyp qaldy.
Ozyq eldermen paıdaly yntymaqtastyqtyń ornyna memlekettik qarjy bos baǵdarlamalar men mán-maǵynasyz aýqymdy is-sharalarǵa jumsaldy. Mysaly, EKSPO uıymdastyrýǵa ketken qarjynyń ornyna (beıresmı aqparat boıynsha 5 mıllıard dollardan astam qarjy jumsalǵan) munaı óńdeý nemese aýyl sharýashylyǵy ónimderin qaıta óńdeý zaýyttaryn salýǵa, QTJ jumysyn jaqsartýǵa, jańa joldar salýǵa bolatyn edi. Biraq eshteńe jasalmady. Qazir bizde ne bar, eshteńe joq. Aqsha joq, ekonomıka byt-shyt, jaǵdaı "trevojnyı".
Qazbek BEISEBAEV,
"Adyrna" ulttyq portaly.
