شىمكەنت قالاسىندا بۇقارالىق سپورت تۇرلەرى قارقىندى تۇردە دامىپ كەلەدى. جاڭا سپورت كەشەندەرى بوي كوتەرىپ، جاستار اراسىندا دەنە شىنىقتىرۋعا، سپورتتىق ويىندارعا دەگەن قىزىعۋشىلىق ارتا تۇسكەن.
شىمكەنت قالاسى اكىمدىگى دە بۇل باعىتتا جۇيەلى جارىستار ۇيىمداستىرىپ، جاستاردى ىنتالاندىرۋعا بار كۇشىن سالۋدا.
بۇل تۋرالى شىمكەنت قالالىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەرمەك دارمەنوۆ اڭگىمەلەپ بەردى.
"ەل پرەزيدەنتى قاسىم-جومارت توقاەۆتىڭ جۋىرداعى جولداۋى بۇقارالىق سپورتتى دامىتۋ جونىندە ايتىلىپ وتكەن بولاتىن. وسى بويىنشا كوپتەگەن جۇمىستار اتقارىلىپ جاتىر. ونىڭ ىشىندە ءبىزدىڭ قالانىڭ اكىمى مۇرات دۇيسەنبەكۇلىنىڭ باستاماسىمەن 115 الاڭشا سالۋ جوسپارلانعان. ونىڭ جەتى الاڭشاسى كاسىپكەرلەردىڭ قارجىسىنا سالىنىپ جاتىر، ال تورتەۋىنىڭ قۇرىلىسى ءبىتىپ، ءبىرى ءارى بىرەگەيى بولعان الاڭشالار شىمكەنت پلازا جەكەمەنشىك كاسىپورنىنىڭ قارجىسىنا سالىنىپ قولدانىلۋعا بەرىلدى. بۇگىنگى تاڭدا شىمكەنت قالاسىنىڭ سپورتشىلارىنىڭ يگىلىگى ءۇشىن جۇمىس ىستەۋدە" دەدى ەرمەك مىرزا ءوز سوزىندە.
شالعاي اۋدانداردا تۇراتىن سپورتقا بەيىم جاستاردى قالالىق سپورتتىق ۇيىمدارعا تارتۋ ارقىلى، جاستاردىڭ سپورتقا دەگەن قىزىعۋشىلىعىن ارتتىرۋ نەگىزگى ماقسات ەكەنىن، اتاي كەتتى ول.
قازىر شىمكەنت قالاسىندا 340 مىڭنان استام سپورتشىلار جاتتىعۋدا. ستاتيستيكالىق ەسەپ بويىنشا بىلتىرعى مەجەدەن اسىپ تۇسكەنىن باسا ايتتى.
