Shymkent qalasynda buqaralyq sport túrleri qarqyndy túrde damyp keledi. Jańa sport keshenderi boı kóterip, jastar arasynda dene shynyqtyrýǵa, sporttyq oıyndarǵa degen qyzyǵýshylyq arta túsken.
Shymkent qalasy ákimdigi de bul baǵytta júıeli jarystar uıymdastyryp, jastardy yntalandyrýǵa bar kúshin salýda.
Bul týraly Shymkent qalalyq dene shynyqtyrý jáne sport basqarmasy basshysynyń orynbasary Ermek Dármenov áńgimelep berdi.
"El prezıdenti Qasym-Jomart Toqaevtyń jýyrdaǵy joldaýy buqaralyq sportty damytý jóninde aıtylyp ótken bolatyn. Osy boıynsha kóptegen jumystar atqarylyp jatyr. Onyń ishinde bizdiń qalanyń ákimi Murat Dúısenbekulynyń bastamasymen 115 alańsha salý josparlanǵan. Onyń jeti alańshasy kásipkerlerdiń qarjysyna salynyp jatyr, al tórteýiniń qurylysy bitip, biri ári biregeıi bolǵan alańshalar Shymkent Plaza jekemenshik kásipornynyń qarjysyna salynyp qoldanylýǵa berildi. Búgingi tańda Shymkent qalasynyń sportshylarynyń ıgiligi úshin jumys isteýde" dedi Ermek myrza óz sózinde.
Shalǵaı aýdandarda turatyn sportqa beıim jastardy qalalyq sporttyq uıymdarǵa tartý arqyly, jastardyń sportqa degen qyzyǵýshylyǵyn arttyrý negizgi maqsat ekenin, ataı ketti ol.
Qazir Shymkent qalasynda 340 myńnan astam sportshylar jattyǵýda. Statıstıkalyq esep boıynsha byltyrǵy mejeden asyp túskenin basa aıtty.
