حالىقارالىق تۇركى اكادەمياسىنىڭ جاڭا عيماراتى اشىلدى

2389
Adyrna.kz Telegram

بۇگىن، 29 قازان كۇنى قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆتىڭ قاتىسۋىمەن حالىقارالىق تۇركى اكادەمياسىنىڭ جاڭا عيماراتىنىڭ اشىلۋ ءراسىمى ءوتتى.

سالتاناتتى جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا، سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ، ازەربايجان، قىرعىزستان، وزبەكستان، تۇرىكمەنستان، تۇركيا ەلدەرىنىڭ قازاقستانداعى توتەنشە جانە وكىلەتتى ەلشىلەرى، قر ۇعا اكادەميگى ورازاق سماعۇلوۆ، مەملەكەت جانە قوعام قايراتكەرلەرى مىرزاتاي جولداسبەكوۆ، ءادىل احمەتوۆ، قۋانىش سۇلتانوۆ، بەلگىلى عالىم ايناگۇل سماعۇلوۆا، حالىقارالىق ۇيىم باسشىلارى، سونىمەن قاتار جوعارعى وقۋ ورىندارى مەن زەرتتەۋ ورتالىقتارىنىڭ باسشىلارى، زيالى قاۋىم وكىلدەرى قاتىستى.
جاڭا عيمارات ەكى كورپۋستان تۇرادى. ءبىرىنشى كورپۋستا اكادەميا ۇجىمى ورنالاسسا، ەكىنشى كورپۋس تۇرك مۋزەيى مەن تۇركولوگيا كىتاپحاناسىنا ارنالعان.

ايتا كەتۋ كەرەك، زاڭدى قۇجاتتارى ماقۇلدانىپ، تولىق حالىقارالىق ۇيىم مارتەبەسىنە يە بولعان تۇركى اكادەمياسى – ءتۇبى ءبىر تۇركى ەلدەرىنىڭ عىلىمي ينتەگراتسياسىن نىعايتۋ، رۋحانيات كەڭىستىگىن ۇيلەستىرۋ، ورتاق مۇرالاردى كەشەندى دارىپتەۋ ماقساتىندا قۇرىلعان.

تۇركى اكادەمياسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن قۇرىلدى. 2009 جىلدىڭ 3 قازانىندا قول قويىلعان تاريحي ناحچىۆان دەكلاراتسياسىنا سايكەس، 2010 جىلدىڭ 25 مامىرىندا قازاقستاننىڭ استاناسى – نۇر-سۇلتان قالاسىنداعى (سول كەزدەگى استانا قالاسى) بەيبىتشىلىك جانە كەلىسىم سارايىندا تۇركى اكادەمياسى اشىلدى.

حالىقارالىق تۇركى اكادەمياسىنىڭ
ءباسپاسوز قىزمەتى

پىكىرلەر