Búgin, 29 qazan kúni Qazaqstan Respýblıkasynyń Memlekettik hatshysy Qyrymbek Kósherbaevtyń qatysýymen Halyqaralyq Túrki akademııasynyń jańa ǵımaratynyń ashylý rásimi ótti.
Saltanatty jıynǵa Halyqaralyq túrki akademııasynyń prezıdenti Darhan Qydyráli, Qazaqstan Respýblıkasynyń Mádenıet jáne sport mınıstri Aqtoty Raıymqulova, Syrtqy ister mınıstriniń birinshi orynbasary Shahrat Nuryshev, Ázerbaıjan, Qyrǵyzstan, Ózbekstan, Túrikmenstan, Túrkııa elderiniń Qazaqstandaǵy Tótenshe jáne Ókiletti Elshileri, QR UǴA akademıgi Orazaq Smaǵulov, memleket jáne qoǵam qaıratkerleri Myrzataı Joldasbekov, Ádil Ahmetov, Qýanysh Sultanov, belgili ǵalym Aınagúl Smaǵulova, halyqaralyq uıym basshylary, sonymen qatar joǵarǵy oqý oryndary men zertteý ortalyqtarynyń basshylary, zııaly qaýym ókilderi qatysty.
Jańa ǵımarat eki korpýstan turady. Birinshi korpýsta akademııa ujymy ornalassa, ekinshi korpýs Túrk mýzeıi men Túrkologııa kitaphanasyna arnalǵan.
Aıta ketý kerek, zańdy qujattary maquldanyp, tolyq halyqaralyq uıym mártebesine ıe bolǵan Túrki akademııasy – túbi bir túrki elderiniń ǵylymı ıntegraııasyn nyǵaıtý, rýhanııat keńistigin úılestirý, ortaq muralardy keshendi dáripteý maqsatynda qurylǵan.
Túrki Akademııasy Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen quryldy. 2009 jyldyń 3 qazanynda qol qoıylǵan tarıhı Nahchyvan deklaraııasyna sáıkes, 2010 jyldyń 25 mamyrynda Qazaqstannyń astanasy – Nur-Sultan qalasyndaǵy (sol kezdegi Astana qalasy) Beıbitshilik jáne Kelisim saraıynda Túrki akademııasy ashyldy.
Halyqaralyq Túrki akademııasynyń
Baspasóz qyzmeti
