8-سىنىپ وقۋشىسى سەرگەي كيمنىڭ اكەسى ۆيكتور كيم الماتى قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ باسشىلىعىنا مالىمدەمە جاساپ، وتباسىندا بولعان قايعىلى جاعدايعا، تۋىستارى مەن جاقىندارىنىڭ كوڭىلىنە تۇسىنىستىكپەن قاراۋدى سۇرايدى. بۇل تۋرالى نزم ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەنىڭ ۇلىمنىڭ اتىن پايدالانباۋدى جانە الەۋمەتتىك جەلىلەردەگى كەز كەلگەن ءىس-شارالاردى، اكتسيالار مەن جازبالاردى، سونىڭ ىشىندە بەلدەمشە كيۋدى ناسيحاتتاۋدى توقتاتۋىڭىزدى سۇرايمىن»،– دەدى مارقۇمنىڭ اكەسى.
سونىمەن قاتار وتباسى وقۋشىعا قىسىم كورسەتۋ جانە ونىڭ پسيحولوگيالىق ماسەلەلەرى تۋرالى بارلىق بولجام مەن ايىپتاۋدىڭ شىندىققا سايكەس كەلمەيتىنىن اتاپ ءوتتى.
ءباسپاسوز قىزمەتىنىڭ مالىمدەۋىنشە، سەرگەيدىڭ اتا-اناسىنىڭ مەكتەپ باسشىلىعىنا، سونداي-اق كۋراتور مەن پسيحولوگقا شاعىمدارى جوق.
«قازىرگى ۋاقىتتا جازاتايىم وقيعا فاكتىسى بويىنشا تەرگەۋ امالدارى جۇرگىزىلىپ جاتقانىن ەسكە سالامىز. «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى كامەلەتكە تولماعان بالانىڭ مۇددەسى ءۇشىن قوسىمشا اقپارات جاريالاپ، كەڭەيتىلگەن تۇسىنىكتەمە بەرمەيدى»،– دەپ جازدى مەكتەپتىڭ ءباسپاسوز قىزمەتى.
«ادىرنا» ۇلتتىق پورتالى
