8-synyp oqýshysy Sergeı Kımniń ákesi Vıktor Kım Almaty qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń basshylyǵyna málimdeme jasap, otbasynda bolǵan qaıǵyly jaǵdaıǵa, týystary men jaqyndarynyń kóńiline túsinistikpen qaraýdy suraıdy. Bul týraly NZM baspasóz qyzmeti jazdy, dep habarlaıdy «Adyrna» tilshisi.
«Meniń ulymnyń atyn paıdalanbaýdy jáne áleýmettik jelilerdegi kez kelgen is-sharalardy, akııalar men jazbalardy, sonyń ishinde beldemshe kııýdi nasıhattaýdy toqtatýyńyzdy suraımyn»,– dedi marqumnyń ákesi.
Sonymen qatar otbasy oqýshyǵa qysym kórsetý jáne onyń psıhologııalyq máseleleri týraly barlyq boljam men aıyptaýdyń shyndyqqa sáıkes kelmeıtinin atap ótti.
Baspasóz qyzmetiniń málimdeýinshe, Sergeıdiń ata-anasynyń mektep basshylyǵyna, sondaı-aq kýrator men psıhologqa shaǵymdary joq.
«Qazirgi ýaqytta jazataıym oqıǵa faktisi boıynsha tergeý amaldary júrgizilip jatqanyn eske salamyz. «Nazarbaev Zııatkerlik mektepteri» derbes bilim berý uıymy kámeletke tolmaǵan balanyń múddesi úshin qosymsha aqparat jarııalap, keńeıtilgen túsinikteme bermeıdi»,– dep jazdy mekteptiń baspasóz qyzmeti.
«Adyrna» ulttyq portaly
