قىزىلجاردا 17 جاسار قىزعا ءبىر توپ جىگىت زورلىق كورسەتكەن، دەپ حابارلايدى «ادىرنا» ءتىلشىسى «استانا» تەلەارناسىنا سىلتەمە جاساپ.
كۇدىكتىلەر قاماۋعا الىندى. بىراق ولاردىڭ تۋىستارى جابىرلەنۋشى تاراپقا قىسىم كورسەتىپ جاتقان كورىنەدى. ءزابىر كورگەن ءجاسوسپىرىمنىڭ اناسى بۇل تۋرالى «نەمولچي» قوعامدىق قورىنىڭ پورتالىندا جاريالادى. ونىڭ ايتۋىنشا، ايىپتالۋشىلاردىڭ جاقىندارى قىلمىستى جىلى جاۋىپ قويۋدى كوزدەيدى. بىر ىمىراعا كەلگىسى كەلەدى. بىراق ول كىنالىلەردىڭ جازالانعانىن قالايتىنىن ايتتى. قازىر بۇل ىسكە قاتىستى تەرگەۋ ءجۇرىپ جاتىر.
«اتالعان فاكتى قىلمىستىق كودەكستىڭ «كامەلەتتىك جاسقا تولماعان ازاماتتى زورلاۋ» بابى بويىنشا سوتقا دەيىنگى تەرگەۋ تىزىلىمىنە ەنگىزىلدى. كۇدىكتى رەتىندە پەتروپاۆلدىڭ 5 ازاماتى قاراستىرىلىپ وتىر. ولار قاماۋعا الىندى. تەرگەۋ ءادىل بولۋ ءۇشىن سوت-مەديتسينالىق ساراپتاما تاعايىندالدى»،– دەپ جازدى سقو پد ءباسپاسوز قىزمەتى.
«ادىرنا» ۇلتتىق پورتالى
