Qyzyljarda 17 jasar qyzǵa bir top jigit zorlyq kórsetken, dep habarlaıdy «Adyrna» tilshisi «Astana» telearnasyna silteme jasap.
Kúdiktiler qamaýǵa alyndy. Biraq olardyń týystary jábirlenýshi tarapqa qysym kórsetip jatqan kórinedi. Zábir kórgen jasóspirimniń anasy bul týraly «Nemolchı» qoǵamdyq qorynyń portalynda jarııalady. Onyń aıtýynsha, aıyptalýshylardyń jaqyndary qylmysty jyly jaýyp qoıýdy kózdeıdi. Bir ymyraǵa kelgisi keledi. Biraq ol kinálilerdiń jazalanǵanyn qalaıtynyn aıtty. Qazir bul iske qatysty tergeý júrip jatyr.
«Atalǵan fakti qylmystyq kodekstiń «kámelettik jasqa tolmaǵan azamatty zorlaý» baby boıynsha sotqa deıingi tergeý tizilimine engizildi. Kúdikti retinde Petropavldyń 5 azamaty qarastyrylyp otyr. Olar qamaýǵa alyndy. Tergeý ádil bolý úshin sot-medıınalyq saraptama taǵaıyndaldy»,– dep jazdy SQO PD baspasóz qyzmeti.
«Adyrna» ulttyq portaly
