جامبىلدا مۇناي رەزەرۆۋارلارى ورتەندى

1858
Adyrna.kz Telegram

جامبىل وبلىسىنداعى گاز وڭدەۋ زاۋىتىنىڭ 480 تەكشە مەتر ديزەل وتىنى بار ەكى رەزەرۆۋارى ورتەندى، دەپ حابارلايدى «ادىرنا» ءتىلشىسى قر توتەنشە جاعدايلار مينيسترلىگىنە سىلتەمە جاساپ.

«جامبىل اۋدانىنىڭ اسا اۋىلىندا «امانگەلدى گوز» جشس (گاز وڭدەۋ زاۋىتى) تاراز فيليالىنىڭ اۋماعىندا جالپى كولەمى 480 تەكشە مەتر ديزەل وتىنى بار ەكى رەزەرۆۋار ورتەندىجامبىل وبلىسى تجد كەزەكشى قىزمەتىنە حابارلاما ساعات 12:0 ءتۇستى.

ءورت ورنىنا جامبىل وبلىسى تجد باستىعى مەن جەدەل توبى، ءورت ءسوندىرۋ جانە اۆاريالىق –قۇتقارۋ جۇمىستارى قىزمەتىنىڭ جەدەل توبى شىقتى.

بارلىعى 75 قىزمەتكەر مەن 21 تەحنيكا، سونداي-اق سول جەردە قۇرامىندا 7 ادام جانە 2 تەحنيكاسى بار وبەكتىنىڭ مەملەكەتتىك ەمەس ورتكە قارسى قىزمەتى جۇمىس ىستەدى. ءورت 13:05-تە اۋىزدىقتالىپ، ساعات 13:17 مينۋتتا ءسوندىرىلدى»،– دەلىنگەن حابارلامادا.

ايتا كەتەيىك، زارداپ شەككەندەر جوق. وقيعانىڭ ءمان-جايى انىقتالۋدا.

«ادىرنا» ۇلتتىق پورتالى

پىكىرلەر