«بەسقارۋ» fest جوباسى باستالدى

2150
Adyrna.kz Telegram

تاۋەلسىزدىكتىڭ 30 جىلدىعى قارساڭىندا شىمكەنت قالاسىندا «Shymqala» ەتنواۋىلىندا «بەس قارۋ» fest جوباسى باستاۋ الدى.

ءۇش كۇنگە سوزىلاتىن ءىس-شارا بۇگىنگى جاستارعا باتىرلار ينستيتۋتىن قايتا جاڭعىرتۋ، دامىتۋ مىندەتىن العا قويۋدى ماقسات ەتكەن. وندا جاسوسپىرىمدەرگە باتىرلىق قاسيەتكە تاربيەلەيتىن ويىن تۇرلەرى ۇيىمداستىرىلىپ، قىلىشتاسۋ شەبەرلەرى مەن كاسكادەرلار جاۋىنگەرلىك ونەردەن، بەس قارۋ تۇرلەرىن پايدالانۋدان شەبەرلىك ساعاتىن وتكىزەدى.

باتىرلار ينستيتۋتى تاقىرىبىن بارىنشا اشۋ ماقساتىندا ەلىمىزدىڭ تانىمال تاريح جانە ەتنولوگ عالىمدارى مەن شەتەلدىك جىرشىلاردىڭ قاتىسۋىمەن ارنايى سەمينار ۇيىمداستىرىلادى.
ءىس-شاراعا نۇر-سۇلتان، الماتى، اقتاۋ، قىزىلوردا قالالارىنان جىرشىلار مەن كورشىلەس قىرعىز جانە وزبەك ەلدەرىنىڭ جىرشى-جوموقشىلارى، كاسكادەرلار مەن ەتنو-فولكلورلىق توپ انشىلەرى قاتىسادى.
«بەسقارۋ» fest جوباسى ءۇش كۇنگە جالعاسادى.

پىكىرلەر