ەل ماقتانىشتارىنىڭ ەسىمدەرى ۇلىقتالادى

2046
Adyrna.kz Telegram

شىمشاھاردا قالالىق مەملەكەتتىك ءارحيۆتىڭ ۇيىمداستىرۋىمەن تاۋەلسىزدىكتىڭ 30 جىلدىعىنا وراي «تاۋەلسىزدىك جىلدارىنداعى قۇرمەتتى ازاماتتار» كورمەسى ءوتتى. بۇل جولى قالانىڭ قۇرمەتتى ازاماتتارى اللەياسىنا ءتۇرلى سپورتتىق دودالاردا ەلىمىزدىڭ داڭقىن شىعارعان ازاماتتار جينالدى.

كورمەدە ەگەمەندىك العان جىلداردا 139 ازاماتتىڭ مەملەكەتتىك ارحيۆتەردە ساقتاۋدا تۇرعان قۇجاتتارى نەگىزىندە جيناقتالعان مالىمەتتەر جاساقتالدى. ەڭبەگى سىڭگەن تۇلعالاردىڭ جەكە كىتاپتارى، جوبالارى مەن فوتولارى، قۇجاتتامالارى جينالعان كوپشىلىككە ۇسىنىلدى.

ءىس-شارا بارىسىندا قازاق سپورتىنىڭ ساڭلاقتارى، ەل ماقتانىشتارىمەن كەزدەسۋ ۇيىمداستىرىلدى. جيىننىڭ قۇرمەتتى قوناعى بولعان وليمپيادالىق دارەجەدەگى تورەشى باقىتجان جاقسىقۇلوۆ پەن قازاق بوكسىنىڭ دارابوزى نۇرجان سمانوۆ ومىردە ءوز تۇيگەندەرىمەن وي ءبولىستى. بولاشاقتىڭ جارقىن بولۋى ءۇشىن جاستارعا باعىت-باعدار بەردى. جيىندا ەل ماقتانىشتارى جاستارعا ءوز تاجىريبەلەرىمەن ءبولىسىپ، ومىرلىك كەڭەستەر بەرىپ، سپورتپەن شۇعىلدانۋعا ۇندەدى.

جيىندا ءسوز العان قالالىق مەملەكەتتىك ءارحيۆتىڭ ديرەكتورى ايپار امانگەلديەۆا اتالعان جوبانىڭ ماڭىزىنا توقتالدى. بۇگىندە قالالىق ارحيۆ مەكەمەسى «ارحيۆ-2025» كەشەندىك جوسپارى بويىنشا تاۋەلسىزدىك جىلدارى قالاعا ەلەۋلى ۇلەسىن قوسقان ازاماتتار تۋرالى مالىمەتتەر جيناعىن جارىققا شىعارۋدى جوسپارلاپ وتىر. ۇسىنىلعان مالىمەتتەر شىمكەنت قالاسى مەملەكەتتىك ءارحيۆى مەن قالالىق ءماسليحاتى ءارحيۆى جانە تۇركىستان وبلىسىنىڭ مەملەكەتتىك ارحيۆىندە تۇرعان قۇجاتتار نەگىزىندە جيناقتالعان.

پىكىرلەر