شىمكەنتتە وق جانە ستەند اتۋدان حالىقارالىق تۋرنير باستالدى

489

تاۋەلسىزدىكتىڭ 30 جىلدىعى قارساڭىندا شىمكەنتتە گران-پري كسرو سپورت شەبەرى ۆلاديمير پوچيۆالوۆتى ەسكە الۋعا ارنالعان وق جانە ستەند اتۋدان XXX حالىقارالىق تۋرنير باستالدى. بۇل تۋرالى قالالىق دەنە شىنىقتىرۋ جانە سپورت باسقارماسى مالىمدەدى. جارىس 2021 جىلدىڭ 25-31 قازان ارالىعىندا «Shymkent Shooting Plaza» اتقىشتار كەشەنىندە وتۋدە.

جارىستىڭ ماقساتى-ەلىمىزدەگى اتۋ سپورتىن دامىتۋ، سپورتشىلاردىڭ بىلىكتىلىگىن ارتتىرۋ جانە ولاردىڭ رەيتينگىن انىقتاۋ، ولاردى رەسپۋبليكالىق جانە حالىقارالىق جارىستارعا دايىنداۋ، جاتتىقتىرۋشىلار مەن تورەشىلەردىڭ كاسىبي بىلىكتىلىگىن ارتتىرۋ.
ستەند اتۋ بويىنشا حالىقارالىق تۋرنير "SHYMKENT SHOOTING PLAZA" اشىق اتۋ الاڭىندا وتەدى، ال وق اتۋ بويىنشا جارىستار شىمكەنت قالالىق جوعارى سپورت شەبەرلىگى مەكتەبىنىڭ اتىس ءتيرى بازاسىندا وتەدى. تۋرنير ەل تاۋەلسىزدىگىنىڭ 30 جىلىنا سايكەس وتىزىنشى رەت وتكىزىلىپ وتىر. 2018 جىلدان باستاپ بۇل تۋرنير ISSF حالىقارالىق اتۋ فەدەراتسياسىنىڭ سپورتتىق ءىس-شارالار كۇنتىزبەسىنە ەنگىزىلدى.

جارىسقا 5 ەلدەن - بەلارۋس، قىرعىزستان، رەسەي فەدەراتسياسى، وزبەكستان جانە قازاقستاننىڭ بارلىق وڭىرلەرىنەن سپورتشىلار قاتىسادى.
سونداي-اق، تۋرنير بارىسىندا وليمپيادا جانە ازيا ويىندارىنىڭ، ازيا چەمپيوناتتارىنىڭ چەمپيوندارى مەن جۇلدەگەرلەرى، الەم كۋبوكتارىنىڭ جۇلدەگەرلەرى ءوز شەبەرلىكتەرىن كورسەتەدى.

ايتا كەتۋ كەرەك، شىمكەنتكە كەلگەن بارلىق سپورتشىلار، جاتتىقتىرۋشىلار مەن تورەشىلەر پتر-تەستىلەۋدىڭ تەرىس ناتيجەلەرى بار انىقتامالاردى ۇسىندى. سونىمەن قاتار، تۋرنير وتەتىن سپورت نىساندارىندا بارلىق سانيتارلىق نورمالار ساقتالادى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket