«بىرلىك – بەرەكە باستاۋى» جوباسى ەتنوسارالىق بەيبىتشىلىكتى ۇندەيدى

3217
Adyrna.kz Telegram

ءاءرتۇرلى تاريحي، الەۋمەتتىك، ساياسي سەبەپتەرگە بايلانىستى ەلىمىزدە بىرنەشە ۇلت وكىلى قونىستانىپ، بىرنەشە ۇلت باسىن قوستى. بۇگىنگى تاڭدا قازاقستاندا 130-دان استام ۇلت پەن ۇلىس ءومىر سۇرۋدە. وسى ۇلت وكىلدەرى ءۇشىن قازاق جەرى جەرۇيىققا اينالدى. قازاقستاننىڭ كوپۇلتتى مەملەكەتكە اينالىپ، ءبىر شاڭىراق استىندا بەيبىت ءومىر ءسۇرۋى – ەلىمىزدىڭ باستى جەتىستىگءى.

دەسە دە، ەلىمىزدە ۇلتارازدىق تۇسىنىسپەۋشىلىكتەر، ەتنوسارالىق قاقتىعىستار ورىن الىپ جاتادى. وعان «قورداي قىرقىسى»، پەنجىمدەگى وقيعا دالەل. مۇنداي قاقتىعىستار ەلىمىزدىڭ تۇتاستىلىعى مەن بىرلىگىنە نۇقسان كەلتىرۋى مۇمكىن. وسى وقيعالارعا قاتىستى «قازاقستاننىڭ ۇيعىر جاستارى وداعىنىڭ» توراعاسى رۋستام كايرىەۆ بىلاي دەپ پىكىر ءبىلدىردى:

«مۇنداي قاقتىعىستار تۇرمىستىق، الەۋمەتتىك ماسەلەلەردەن تۋىندايدى. بىراق ەلىمىزدەگى ۇلتتاردىڭ، ەتنوستاردىڭ ءبىر-بىرىنە دەگەن جەككورۋ سەزىمى جوق. ءبىر ۇلتقا بەلگىلى ءبىر قىسىم جاسالىپ جاتقان جوق. الەۋمەتتىك جەلىلەردە ونى ۋشىقتىرىپ، باسقا جاعىنان كورسەتەتىندەر كوپ. الايدا «جامان ۇلت بولمايدى، جامان ادام بولاتىنىن» ۇمىتپايىق! تاتۋ-ءتاتتى ءومىر سۇرەيىك!».

الماتى قالاسى قوعامدىق دامۋ باسقارماسىنىڭ تاپسىرىسىمەن «ادىرنا» ۇلتتىق-ەتنوگرافيالىق بىرلەستىگىءنىڭ ۇيىمداستىرىپ جاتقان “بىرلىك - بەرەكە باستاۋى” جوباسى دا ەلدى بىرلىككە شاقىرادى. جوبا اياسىندا وزگە ەتنوس وكىلدەرىن قولداپ، ولاردىڭ قازاق تءىلىن مەڭگەرۋىنە جاعداي جاسالدى، ءتۇرلى جارىستار وتكىزىلدى. «جاڭعىرۋ جولى» وڭىرلىك شتابىنىڭ مۇشەسى چەپەل ۆلاديميرمەن كەزدەسۋ ءوتىپ، مەملەكەتتىك ءتىلدىڭ ماڭىزدىلىعى تالقىلاندى. جاستار تولەرانتتىلىق ۇعىمىمەن تانىس بولىپ، قازاقستان حالقى اسسامبلەياسى وكىلدەرىمەن تانىس بولدى.

مۇنداي شارالار تەك ءبىر جوبا كولەمىندە شەكتەلمەي، جالعاسىن تاپسا يگى. ويتكەنى «بىرلىگى مىقتى ەل وزادى» دەمەكشى، حالىق جانە ەتنوسارالىق جاعدايىمىز وڭدى بولعاندا، بەلەستەردى باعىندىرامىز.

«ادىرنا» ۇلتتىق پورتالى

پىكىرلەر