قر دەنساۋلىق ساقتاۋ ءمينيسترى الەكسەي تسوي قازاقستاندا اقىلى ۆاكتسينانىڭ باعاسى تۋرالى ايتتى دەپ حابارلايدى "ادىرنا" ۇلتتىق پورتالى.
"مەن باعانى ناقتى ايتا المايمىن، ويتكەنى بۇل — كوممەرتسيالىق سەگمەنت. جالپى ۆاكتسينالاردىڭ باعاسى قىمبات ەمەس. ەگەر ءبىز باسقا ۆاكتسينالارعا قارايتىن بولساق، ولار ءارتۇرلى، ماسەلەن، 2 مىڭنان 5 مىڭ تەڭگەگە دەيىن بارادى. سوندىقتان باعانى بەلگىلەۋ ساتىپ الۋ باعاسىنا بايلانىستى بولادى", – دەدى دەنساۋلىق ساقتاۋ مينيسترلىگىنىڭ باسشىسى ۇكىمەت ساعاتىندا.
ونىڭ ايتۋىنشا، نەگىزگى ديستريبيۋتورلار كەلەسى جىلدان باستاپ نارىقتا قولجەتىمدى بولاتىن قوسىمشا ۆاكتسينالار پۋلىن ىسكە قوسۋ تۋرالى حاباردار ەتىلگەن جانە وسى ماسەلەنى پىسىقتاۋدا.
"مىسالى، تۇماۋعا قارسى ۆاكتسينا. ءبىز ءبىر ۆاكتسينانى ساتىپ الامىز، بىراق سونىمەن بىرگە كوممەرتسيالىق نارىققا بالاما انالوگتاردى ۇسىنۋعا مۇمكىندىك بەرەمىز", – دەدى الەكسەي تسوي.
"ادىرنا" ۇلتتىق پورتالى.
ۇقساس جاڭالىقتار
