ماڭعىستاۋ وبلىسىنىڭ تۇرعىنى كوروناۆيرۋسقا قارسى ۆاكتسينا سالدىرىپ، پاتەر ۇتىپ الدى، دەپ حابارلادى وبلىستىڭ قوعامدىق كوممۋنيكاتسيا ورتالىعى.
27 جاستاعى قايرات قوساەۆتىڭ ناۋقان جەڭىمپازى ەكەنى 6 تامىزدا بەلگىلى بولدى. وعان اقتاۋ قالاسىنان جاڭادان سالىنعان ۇيدەن ەكى بولمەلى پاتەر بەرىلدى.
Mangystay Media مالىمەتىنە سايكەس، قايرات قوساەۆتىڭ تۇرىكمەنستاننان كوشىپ كەلگەنىنە 10 جىلداي بولعان. اقتاۋدا ناعاشىلارىنىڭ ۇيىندە تۇرعان. اتا-اناسى دا تۇرىكمەنستاننان كوشىپ كەلۋدى جوسپارلاپ وتىر.
جەڭىمپازدىڭ ايتۋىنشا، ۆاكتسينانى ۇتىس ءۇشىن ەمەس، ءوز دەنساۋلىعى ءۇشىن سالدىرعان.
"بۇعان دەيىن ەشتەڭە ۇتىپ كورمەگەن ەدىم. "ۇتتىڭ" دەپ حابارلاسقان كەزدە سەنبەدىم. "شىن با؟" دەپ ناقتىلاپ سۇرادىم. كوپشىلىكپەن جۇمىس ىستەيتىن بولعاندىقتان ءوز ەركىممەن ەمحاناعا بارىپ ۆاكتسينا سالدىردىم. بارىنە جۇعىستى بولسىن. اۋىرمايىق", - دەدى قايرات قوساەۆ.
