ددۇ Sputnik V ۆاكتسيناسىنا تىيىم سالدى

10047
Adyrna.kz Telegram

ددۇ Sputnik V ۆاكتسيناسىنا رۇقسات بەرۋ پروتسەسىن توقتاتتى، دەپ حابارلايدى "ادىرنا" ۇلتتىق پورتالى.

رەسەيلىك ۆاكتسينانى شىعاراتىن زاۋىتتاردىڭ بىرىندە زاڭ بۇزۋشىلىق ورىن الدى. ددۇ جاڭا تەكسەرۋ جۇرگىزۋگە ۋادە بەردى.

دۇنيەجۇزىلىك دەنساۋلىق ساقتاۋ ۇيىمى (ددۇ) رەسەيلىك Sputnik V كوروناۆيرۋسقا قارسى ۆاكتسينانى ماقۇلداۋ پروتسەسىن توقتاتتى، دەپ حابارلادى پانامەريكالىق دەنساۋلىق ساقتاۋ ۇيىمى (PAHO) باسشىسىنىڭ ورىنباسارى جارباس باربوزا.

"دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىق ۆاكتسينالار توتەنشە جاعدايدا قولدانۋعا رۇقسات بەرەتىن پروتسەدۋرانىڭ ءبىر بولىگى رەتىندە، ءوندىرۋشى ۆاكتسينانى شىعاراتىن كومپانيالاردىڭ قاجەتتى ستاندارتتارعا سايكەس كەلەتىنىن دالەلدەۋى ءتيىس",- دەپ ءتۇسىندىردى باربوزا.

«Sputnik V ۆاكتسيناسىن توتەنشە جاعدايدا قولدانۋعا رۇقسات بەرۋ پروتسەسى توقتاتىلدى، سەبەبى ۆاكتسينا جاسالعان زاۋىتتاردىڭ ءبىرىن تەكسەرۋ كەزىندە زاۋىت وندىرىستىك تاجىريبەنى ساقتامايتىنى انىقتالدى»، - دەدى ول. 

ددۇ بۇل كەلىسپەۋشىلىكتەردىڭ جويىلۋىن كۇتەدى

جارباس باربوزانىڭ ايتۋىنشا، ددۇ قازىرگى ۋاقىتتا زاۋىت "بۇل كەلەڭسىزدىكتى توقتاتتى" دەگەن حابارلامانى كۇتۋدە. كەيىن مىندەتتى تۇردە جاڭا تەكسەرۋ جۇرگىزىلەتىنىن دە باسا ايتتى.

دۇنيەجۇزىلىك دەنساۋلىق ساقتاۋ ۇيىمىنىڭ كوميسسياسى ماۋسىم ايىندا ۋفادا Sputnik V - Pharmstandard -UfaVITA شىعاراتىن رەسەيلىك كاسىپورىنداردىڭ بىرىنەن زاڭ بۇزۋشىلىقتى انىقتادى. ۆاكتسينانىڭ قۇتىلارعا قۇيىلۋ بارىسىن قاتاڭ تەكسەرۋدە.

قازىرگى ۋاقىتتا ددۇ امەريكاندىق Moderna جانە Pfizer (ەكىنشىسى - نەمىس BioNTech), ەۋروپالىق Jannsen جانە AstraZeneca, قىتايلىق Sinopharm, Sinovac, سونداي -اق ءۇندى Serum Institute of India ۆاكتسينالارىن شۇعىل تۇردە قولدانۋعا رۇقسات بەردى.

"ادىرنا" ۇلتتىق پورتالى

پىكىرلەر