اكادەميالىق ادالدىق ليگاسىنىڭ پلاتفورماسىندا ءبىلىم سالاسىنىڭ ساراپشىلارى ەلىمىزدىڭ جوعارى وقۋ ورىندارىنا جاسالاتىن رەيتينگتەردى تالقىلادى. قاتىسۋشىلار قازاقستانداعى اكادەميالىق رەيتينگتەر ساپا ستاندارتتارىنا ساي كەلمەيتىنىن ايتتى. ولار جوعارى وقۋ ورىندارىنىڭ جاقسارۋىنا كومەكتەسۋدىڭ ورنىنا، كەرىسىنشە، ساپاسىز رەيتينگتەرى ارقىلى ولاردىڭ بەدەلىن تومەندەتەدى. سونداي-اق قر ءبىلىم جانە عىلىم مينيسترلىگىنىڭ قىزمەتىنە جانە جوعارى جانە جوعارى وقۋ ورنىنان كەيىنگى ءبىلىم بەرۋ سالاسىندا اتقارىلىپ جاتقان جۇمىستارعا نۇقسان كەلتىرەتىنىن العا تارتادى ساراپشىلار.
«قازاقستان ستۋدەنتتەر اليانسى» وتكىزەتىن رەيتينگتى ەرەكشە اتاپ وتكىم كەلەدى. ول ءبىلىم الۋشىلاردىڭ ساۋالناماسىنىڭ نەگىزىندە جاسالادى جانە سول ارقىلى الەۋمەتتىك جەلىلەردە وزدەرىن بەلسەندى تۇردە جارنامالاپ ءجۇر. اتالعان رەيتينگتى دايىنداۋشىلار ەكىنشى جىل قاتارىنان قازاقستاننىڭ ۇزدىك جانە ناشار جوو-لارى بويىنشا ءتىزىمدى جاريالايدى. ولاردىڭ 2020 جىلعى رەيتينگىندە كورسەتىلگەن بىردە-ءبىر ۇزدىك ۋنيۆەرسيتەت 2021 جىلعى ۇزدىك جوعارى وقۋ ورىندارىنىڭ قاتارىنا كىرمەگەنى، ال 2020 جىلعى ەڭ ناشار 10 ۋنيۆەرسيتەتتىڭ قاتارىندا بولعان نارحوز ۋنيۆەرسيتەتى 2021 جىلعى ۇزدىك جوو-لار قاتارىنا كىرگەنى ەستە قالارلىق جايت. ەگەر ۇزدىكتەر ءتىزىمى جىل سايىن وزگەرىپ وتىرسا جانە وعان اكادەميالىق جەتىستىكتەرى تۋرالى ەشكىم ەستىمەگەن ۋنيۆەرسيتەتتەر كىرە الاتىن بولسا قازاقستاندىق اكادەميالىق رەيتينگتەر تۋرالى پىكىر قانداي بولۋى مۇمكىن؟ سونىمەن قاتار قازاقستان ستۋدەنتتەرى اليانسىنىڭ رەيتينگى مەملەكەت قارجىسىنا جاسادالادى. ساۋالناما جۇرگىزىلگەن جوباعا ازاماتتىق باستامالاردى قولداۋ ورتالىعى 20 ميلليون تەڭگەگە جۋىق قاراجات بولىنگەن», - دەدى اكادەميالىق ادالدىق ليگاسىنىڭ ساراپشىسى ياكوۆ ۆورونكوۆ.
ولجاس ورداباەۆتىڭ ايتۋىنشا، ناتيجەدە كورسەتىلگەن مۇنداي ۇلكەن ايىرماشىلىق رەيتينگ ادىستەمەسىندە ايتارلىقتاي كەمشىلىكتەردىڭ بار ەكەنىن اڭعارتادى.
«ادەتتە، ناتيجەلەردىڭ وسىنشالىقتى ءارتۇرلى بولۋى رەيتينگ ادىستەمەسىنىڭ وزگەرگەنىن كورسەتەدى. ياعني اقپاراتتار وزگەردى جانە ءبارى تۇزەتىلدى. بۇل – ازىرلەۋشىلەر ءالى دە دۇرىس ادىستەمەنى ىزدەپ ءجۇر دەگەن ءسوز. سەبەبى، ەگەر ادىستەمە قالىپتاسقان بولسا، ول ايتارلىقتاي وزگەرمەيدى، ويتكەنى وزگەرتۋدىڭ ءوزىنىڭ بەلگىلى ءبىر نەگىزدەمەسى بار. مۇنى تەك وسىلاي وبەكتيۆتى تۇرعىدا تۇسىندىرۋگە بولادى» - دەدى ول.
شارا بارىسىندا اكادەميالىق ادالدىق ليگاسىنىڭ وكىلى ياكوۆ ۆورونكوۆ جوعارى وقۋ ورىندارىنىڭ كەز كەلگەن اكادەميالىق رەيتينگىسىنىڭ بەس نەگىزگى ماقساتىن قانداي بولۋى كەرەك ەكەنىن ۇسىندى:
- تالاپكەرلەردى جانە وزگە دە مۇددەلى تۇلعالاردى (جۇمىس بەرۋشىلەر، ورتالىق مەملەكەتتىك ورگاندار جانە ت. ب.) حاباردار ەتۋ;
- جوعارى وقۋ ورىندارىنا ۇيىمنىڭ جۇمىسىن جاقسارتۋعا مۇمكىندىك بەرەتىن دەرەكتەردى ۇسىنۋ;
- زەرتتەۋشىلەرگە دەرەكتەردى ۇسىنۋ;
- جوو قىزمەتىن ادىستەمەدە بەلگىلەنگەن پارامەترلەر بويىنشا كەشەندى باعالاۋ;
- ازاماتتىق قوعام الدىنداعى ەسەپتىلىك.
ونىڭ پىكىرىنشە، قازىرگى ۋاقىتتا ءبىلىم بەرۋ باعدارلامالارىنىڭ ءبىر عانا رەيتينگى جوعارىدا كورسەتىلگەن ماقساتتارعا جاۋاپ بەرەدى. بۇل – جىل سايىن قر «اتامەكەن» ۇلتتىق كاسىپكەرلەر پالاتاسى جاسايتىن رەيتينگ. ولار ءاربىر جوو-نىڭ قىزمەتىن «مانساپتىق پەرسپەكتيۆالار»، «ءبىلىم بەرۋ باعدارلاماسىنىڭ ساپاسى» جانە «ءبىلىم الۋشىلاردىڭ جەتىستىكتەرى» سياقتى ادىستەمەدە جازىلعان پارامەترلەر بويىنشا باعالايدى. ول كەشەندى تۇردە جاسالاتىنىن دالەلدەيدى. بەلگىلەنگەن ينديكاتورلار بويىنشا نەگىزگى كورسەتكىشتەر رەسمي سايتتا https://atameken.kz/ru/university_ratings اشىق جاريالانادى، ال ادىستەمە جىل سايىن جوعارى وقۋ ورىندارىنىڭ، اكادەميالىق ادالدىق ليگاسىنىڭ جانە باسقا دا ستەيكحولدەرلەردىڭ قاتىسۋىمەن قايتا قارالىپ، جاقسارادى.
اكادەميالىق ادالدىق ليگاسىنىڭ ءباسپاسوز قىزمەتى
