«Qazaqstan studentter aliansy» daiyndaǧan reitingter sapasyz-joǧary bılım salasynyŋ sarapşylary

Akademiialyq adaldyq ligasynyŋ platformasynda bılım salasynyŋ sarapşylary elımızdıŋ joǧary oqu oryndaryna jasalatyn reitingterdı talqylady. Qatysuşylar Qazaqstandaǧy akademiialyq reitingter sapa standarttaryna sai kelmeitının aitty. Olar joǧary oqu oryndarynyŋ jaqsaruyna kömektesudıŋ ornyna, kerısınşe, sapasyz reitingterı arqyly olardyŋ bedelın tömendetedı. Sondai-aq QR Bılım jäne ǧylym ministrlıgınıŋ qyzmetıne jäne joǧary jäne joǧary oqu ornynan keiıngı bılım beru salasynda atqarylyp jatqan jūmystarǧa nūqsan keltıretının alǧa tartady sarapşylar.  «Qazaqstan studentter aliansy» ötkızetın reitingtı erekşe atap ötkım keledı. Ol bılım aluşylardyŋ saualnamasynyŋ negızınde jasalady jäne sol arqyly äleumettık jelılerde özderın belsendı türde jarnamalap  jür. Atalǧan reitingtı daiyndauşylar ekınşı jyl qatarynan Qazaqstannyŋ üzdık jäne naşar JOO-lary boiynşa tızımdı jariialaidy. Olardyŋ 2020 jylǧy reitingınde körsetılgen bırde-bır üzdık universitet 2021 jylǧy üzdık joǧary oqu oryndarynyŋ qataryna kırmegenı, al 2020 jylǧy eŋ naşar 10 universitettıŋ qatarynda bolǧan Narhoz universitetı 2021 jylǧy üzdık JOO-lar qataryna kırgenı este qalarlyq jait. Eger üzdıkter tızımı jyl saiyn özgerıp otyrsa jäne oǧan akademiialyq jetıstıkterı turaly eşkım estımegen universitetter kıre alatyn bolsa qazaqstandyq akademiialyq reitingter turaly pıkır qandai boluy mümkın? Sonymen qatar Qazaqstan studentterı aliansynyŋ reitingı memleket qarjysyna jasadalady. Saualnama jürgızılgen jobaǧa Azamattyq bastamalardy qoldau ortalyǧy 20 million teŋgege juyq qarajat bölıngen», - dedı Akademiialyq adaldyq ligasynyŋ sarapşysy Iаkov Voronkov. Oljas Ordabaevtyŋ aituynşa, nätijede körsetılgen mūndai ülken aiyrmaşylyq reiting ädıstemesınde aitarlyqtai kemşılıkterdıŋ bar ekenın aŋǧartady. «Ädette, nätijelerdıŋ osynşalyqty ärtürlı boluy reiting ädıstemesınıŋ özgergenın körsetedı. Iаǧni aqparattar özgerdı jäne bärı tüzetıldı. Būl – äzırleuşıler älı de dūrys ädıstemenı ızdep jür degen söz. Sebebı, eger ädısteme qalyptasqan bolsa, ol aitarlyqtai özgermeidı, öitkenı özgertudıŋ özınıŋ belgılı bır negızdemesı bar. Mūny tek osylai obektivtı tūrǧyda tüsındıruge bolady» - dedı ol.   Şara barysynda Akademiialyq adaldyq ligasynyŋ ökılı Iаkov Voronkov joǧary oqu oryndarynyŋ kez kelgen akademiialyq reitingısınıŋ bes negızgı maqsatyn qandai boluy kerek ekenın ūsyndy:

1. Talapkerlerdı jäne özge de müddelı tūlǧalardy (jūmys beruşıler, ortalyq memlekettık organdar jäne t. b.) habardar etu;
2. Joǧary oqu oryndaryna ūiymnyŋ jūmysyn jaqsartuǧa mümkındık beretın derekterdı ūsynu;
3. Zertteuşılerge derekterdı ūsynu;
4. JOO qyzmetın ädıstemede belgılengen parametrler boiynşa keşendı baǧalau;
5. Azamattyq qoǧam aldyndaǧy eseptılık.

Onyŋ pıkırınşe, qazırgı uaqytta bılım beru baǧdarlamalarynyŋ bır ǧana reitingı joǧaryda körsetılgen maqsattarǧa jauap beredı. Būl – jyl saiyn QR «Atameken» Ūlttyq käsıpkerler palatasy jasaityn reiting. Olar ärbır JOO-nyŋ qyzmetın «mansaptyq perspektivalar», «bılım beru baǧdarlamasynyŋ sapasy» jäne «bılım aluşylardyŋ jetıstıkterı» siiaqty ädıstemede jazylǧan parametrler boiynşa baǧalaidy. Ol keşendı türde jasalatynyn däleldeidı. Belgılengen indikatorlar boiynşa negızgı körsetkışter resmi saitta https://atameken.kz/ru/university_ratings aşyq jariialanady, al ädısteme jyl saiyn joǧary oqu oryndarynyŋ, Akademiialyq adaldyq Ligasynyŋ jäne basqa da steikholderlerdıŋ qatysuymen qaita qaralyp, jaqsarady.    

Akademiialyq adaldyq ligasynyŋ baspasöz qyzmetı