تۇركياداعى ون ەلدىڭ ەلشىلەرى جاڭا مالىمدەمە جاساپ، ۆەنا كونۆەنتسياسىنىڭ مەملەكەتتىڭ ىشكى ىستەرىنە ارالاسپاۋعا مىندەتتەيتىن باپتى ۇستاناتىندىقتارىن مالىمدەدى. وسىدان كەيىن تۇركيا پرەزيدەنتى رەجەپ تايىپ ەردوعان ديپلوماتتار وسىلايشا «ارتقا شەگىندى» جانە ءوز مالىمدەمەلەرىندە ساقتىق تانىتا بەرەدى دەپ ەسەپتەدى.
بۇعان دەيىن ديپلوماتيالىق وكىلدىكتەردىڭ باسشىلارى تۇرىك بيلىگىنەن تۇرمەدەگى كاسىپكەر وسمان كاۆالانى ساياسي سەبەپتەرمەن قاماۋدا وتىر دەپ، بوساتۋدى تالاپ ەتكەن. بۇل ديپلوماتيالىق جانجال تۋدىردى.
Twitter-دە تۇركياداعى ون ديپلوماتيالىق وكىلدىك باسشىسىنىڭ جاڭا مالىمدەمەسى جاريالاندى. وندا ولار باپقا سايكەس ارەكەت ەتىپ جاتقانىن ايتقان. ديپلوماتيالىق قاتىناستار تۋرالى ۆەنا كونۆەنتسياسىنىڭ 41-باپقا سايكەس ارەكەت ەتىپ جاتقانى تۋرالى دا ايتىلعان. وندا ديپلوماتيالىق قىزمەتكەرلەر «قابىلداۋشى مەملەكەتتىڭ زاڭدارى مەن ەرەجەلەرىن قۇرمەتتەۋگە مىندەتتى» دەلىنگەن.
"ادىرنا" ۇلتتىق پورتالى
