فرانتسيا پرەزيدەنتى ە.ماكرون مىرزانىڭ باستاماسىمەن 9-شى جەلتوقسان،2020-جىلى زايىرلى فرانتسيا رەسپۋبليكاسىنىڭ ادام قۇقىقتارىن قورعاۋ جونىندەگى ەكسترەميزمگە قارسى باعىتتالعان زاڭ جوباسىنىڭ ءماتىنىن تاۋەلسىز ءدىن ساراپشىسى رەتىندە تولىقتاي قولدايمىن. سوناۋ فرانتسۋز رەۆوليۋتسياسىنان باستاۋ العان، ياعني ەركىندىك پەن دەموكراتيانىڭ سيمۆولىنا اينالعان فرانتسيا مەملەكەتىنىڭ ءدىني ەكسترەميزم مەن تەرروريزمگە قارسى كەشەندى تۇردە قابىلداعان اتالمىش زاڭعا پروگرەسسيۆتى دەموكراتيالىق ەۆروپا ەلدەرى دە قولداۋ بىلدىرەدى دەگەن ۇمىتتەمىن.
اسىرەسە فرانتسيا ۇكىمەتى حالىقارالىق تەرروريزم مەن ءدىني فاناتيزمگە ءتيىمدى ءىس -ارەكەت پەن مىقتى يممۋنيتەت قالىپتاستىرعان يزرايل مەملەكەتىنىڭ تاجىربيەسىن نەگىزگە السا دۇرىس بولار ەدى . وكىنىشكە وراي پوپۋليزمگە ۇرىنعان ورتاعاسىرلىق وسمان حاليفاتىن اڭساۋشى ەردوعان سياقتى رەاكتسيوندىق ديكتاتور ساياساتكەرلەر ءدىني ارازدىق پەن ۇلتارالىق كيكىلجىڭگە اپاراتىن ءدىني-ساياسي ريتوريكا مەن لوزۋنگتاردى وتقا ماي قۇيعانداي پايدالانىپ، ارانداتۋ ارقىلى وركەنيەتتىك قاقتىعىسقا يتەرمەلەپ وتىر.
تۇركى تىلدەس ەلدەردەگى مەكەن ەتكەن، سونىڭ ىشىندە ورتا ازيا مەن قازاقستاندا وسمانشىل- ەردوعانشىل ءدىنشىل توپتاردىڭ كوبەيىپ، باس كوتەرۋى مەنى الاڭداتپاي قويمايدى.
مەنىڭشە، بولاشاقتا الەمدەگى زايىرلى-ەركىن دەموكراتيالىق ازاماتتىق قوعامعا ەڭ باستى قاۋىپ وسمانشىل ەردوعان باستاعان حاليفاتشىل- ميليتاريستىك تۇركيا مەن تەوكراتيالىق يران ەكەنى ايداي انىق. وسى ورايدا ەڭ ماڭىزدى بولىپ تابىلاتىن ە.ماكرون مىرزانىڭ وسى وزەكتى باستاماسى (زاڭ جوباسى) ءدىني فاناتيزم ياكي ەكسترەميزمنەن زارداپ شەگىپ وتىرعان الەم قاۋىمداستىعىنا ۇلگى جانە باعىت-باعدار بولاتىنىنا سەنىمدىمىن!
قۇرمەتپەن، قب "دەموس" توراعاسى
تۇراربەك قۇسايىنوۆ .
"ادىرنا" ۇلتتىق پورتالى.
فوتو اشىق دەرەككوزدەن الىندى.
