نۇر-سۇلتان قالاسى نازارباەۆ زياتكەرلىك مەكتەبىنىڭ 12-"س" سىنىپ وقۋشىسى ءسانىم زەيىنعابىل قر رەسمي ەكو-امباسسادورى اتاندى، دەپ حابارلايدى "ادىرنا" ءتىلشىسى.
ەكو-امباسسادور ەكولوگيالىق باستامالار مەن جوبالاردى تابىستى ىلگەرىلەتۋدىڭ ماڭىزدى جانە اجىراماس بولىگى. تابيعات جاناشىرلارىنا ەكولوگيالىق جوبالاردى ىلگەرىلەتۋگە، ەكولوگيالىق سانانى دامىتۋعا، كۇندەلىكتى ومىردە ەكولوگيالىق قاعيدالاردى ۇستانۋ قاجەتتىلىگىنە ىقپال ەتۋ ەرەكشە مىندەتى جۇكتەلگەن.
"مەنىڭ جوبام ول مەكتەپتەگى ەكولوگيالىق قوزعالىستى دامىتۋ، تانىمدىلىقتى ارتتىرۋ بولاتىن. سوندىقتان مەن ەكو كلۋبتىڭ ليدەرى رەتىندە وتكەن جىل بويى ونلاين رەجيمدە كوپتەگەن رەسپۋبليكالىق جانە حالىقارالىق ءىس-شارالاردى وتكىزدىم. ءماجىلىس دەپۋتاتى، مينيستىرلىكتىڭ وكىلدەرى، بيزنەس وكىلدەرى، قازاقستانداعى ەكولوگيانى نەگىزدەگەن وكىلدەرمەن جۇمىس جاسادىم. حالىقارالىق ءىس-شارادان كەيىن، مينيستىرلىك وكىلدەرى جاسالعان جۇمىستى ەسكەرە وتىرىپ، مەكتەپتىڭ ۇسىنىسىمەن مەنى قازاقستان رەسپۋبليكاسىننىڭ رەسمي ەكو-امباسسادورلىعىنا ۇسىندى" دەيدى ءسانىم.
جاس تابيعات جاناشىرىنىڭ ايتۋىنشا، ادام قورشاعان ورتانىڭ تازالىعى ءۇشىن جاۋاپكەرشىلىكتى وزىنە الىپ، ەلەكتر ەنەرگياسىن، سۋدى ۇنەمدەۋ، ەكولوگيالىق تۇرعىدا تازا ءونىمدى قولدانۋ سياقتى قاراپايىم ەرەجەلەردى ساقتاي ءبىلۋى قاجەت.
بۇل تۇستا، نازارباەۆ زياتكەرلىك مەكتەپتەرى ەكو بەلسەندىلەردى ۇنەمى قولداۋ ۇستىندە.
بۇۇ-نىڭ ادام قۇقىقتارى جونىندەگى جوعارعى كوميسسارى ميشەل باچەلەتتىڭ ايتۋىنشا جىل سايىن قولايسىز ەكولوگيالىق جاعدايلاردىڭ، اسىرەسە اۋا مەن سۋدىڭ لاستانۋىنىڭ سالدارىنان بەس جاسقا دەيىنگى 1,7 ميلليون بالا قايتىس بولادى، بۇل بۇكىل الەمدەگى بالالار اراسىنداعى ءولىمنىڭ تورتتەن ءبىر پايىزىن كورسەتەدى.
وسى تۇستا ءسانىمنىڭ ارقالاعان جۇگى اۋىر.
"ادىرنا" ۇلتتىق پورتالى
