Nur-Sultan qalasy Nazarbaev Zııatkerlik mektebiniń 12-"S" synyp oqýshysy Sánim Zeıinǵabyl QR resmı eko-Ambassadory atandy, dep habarlaıdy "Adyrna" tilshisi.
Eko-Ambassador ekologııalyq bastamalar men jobalardy tabysty ilgeriletýdiń mańyzdy jáne ajyramas bóligi. Tabıǵat janashyrlaryna ekologııalyq jobalardy ilgeriletýge, ekologııalyq sanany damytýǵa, kúndelikti ómirde ekologııalyq qaǵıdalardy ustaný qajettiligine yqpal etý erekshe mindeti júktelgen.
"Meniń jobam ol mekteptegi ekologııalyq qozǵalysty damytý, tanymdylyqty arttyrý bolatyn. Sondyqtan men Eko klýbtyń lıderi retinde ótken jyl boıy onlaın rejımde kóptegen respýblıkalyq jáne halyqaralyq is-sharalardy ótkizdim. Májilis depýtaty, mınıstirliktiń ókilderi, bıznes ókilderi, Qazaqstandaǵy ekologııany negizdegen ókildermen jumys jasadym. Halyqaralyq is-sharadan keıin, mınıstirlik ókilderi jasalǵan jumysty eskere otyryp, mekteptiń usynysymen meni Qazaqstan Respýblıkasynnyń resmı Eko-Ambassadorlyǵyna usyndy" deıdi Sánim.
Jas tabıǵat janashyrynyń aıtýynsha, adam qorshaǵan ortanyń tazalyǵy úshin jaýapkershilikti ózine alyp, elektr energııasyn, sýdy únemdeý, ekologııalyq turǵyda taza ónimdi qoldaný sııaqty qarapaıym erejelerdi saqtaı bilýi qajet.
Bul tusta, Nazarbaev Zııatkerlik mektepteri eko belsendilerdi únemi qoldaý ústinde.
BUU-nyń Adam quqyqtary jónindegi Joǵarǵy komıssary Mıshel Bachelettiń aıtýynsha jyl saıyn qolaısyz ekologııalyq jaǵdaılardyń, ásirese aýa men sýdyń lastanýynyń saldarynan bes jasqa deıingi 1,7 mıllıon bala qaıtys bolady, bul búkil álemdegi balalar arasyndaǵy ólimniń tórtten bir paıyzyn kórsetedi.
Osy tusta Sánimniń arqalaǵan júgi aýyr.
"Adyrna" ulttyq portaly
