ەندىگى ۋاقىتتا شەتەل ازاماتتارى قازاقستاندا ۋاقىتشا تۇرۋعا رۇقسات الۋ جانە ۆيزا ازىرلەۋدى ەلىمىزدىڭ كەز كەلگەن حالىققا قىزمەت كورسەتۋ ورتالىعىنان الا الادى، دەپ حابارلايدى "ادىرنا" ۇلتتىق پورتالى،
- ەلىمىزگە جىلىنا شامامەن 1,5 ملن شەتەل ازاماتى كەلەدى. وسى ورايدا، وتكەن جىلدىڭ 1 قاڭتارىنان باستاپ ءبىز ولارعا كوشى-قون پوليتسياسىندا ۋاقىتشا تىركەلۋ تالابىن جويدىق. بۇل ەلىمىزگە ينۆەستيتسيا تارتۋ مەن ىشكى ءتۋريزمدى ىلگەرىلەتۋدە وڭ اسەرىن تيگىزدى. بۇگىندە شەتەلدىك قوناقتار قازاقستانعا كەلگەنى تۋرالى كوشى-قون پوليتسياسىنا "e-Qonaq" ءموبيلدى قوسىمشاسى ارقىلى حابارلاي الادى، - دەدى ىشكى ىستەر ءمينيسترىنىڭ ورىنباسارى ساكەن سارسەنوۆ ءباسپاسوز ءماسليحاتىندا.
ايتا كەتەيىك، قازىر نۇر-سۇلتان مەن الماتى قالاسىنىڭ حالىققا قىزمەت كورسەتۋ ورتالىقتارىندا شەتەل ازاماتتارىنا ۋاقىتشا تۇرۋعا رۇقسات بەرۋ جانە ۆيزا ازىرلەۋ ءۇشىن بىرىڭعاي قىزمەت كورسەتۋ سەكتورى قۇرىلدى. جىل سوڭىنا دەيىن اتالعان قىزمەت ءتۇرىن ەلىمىز بويىنشا بارلىق حالىققا قىزمەت كورسەتۋ ورتالىقتارىندا قولجەتىمدى بولادى دەپ جوسپارلانىپ وتىر.
"ادىرنا" ۇلتتىق پورتالى
