بيىل قازاقتىڭ اقيىق اقىنى، بەس ارىستىڭ بiرi, الاش قايراتكەرi, جەرلەسiمiز ۇلى ماعجان جۇماباەۆتىڭ تۋعانىنا 125 جىل تولادى. وسى مەرەيتويعا دايىندىق بارىسى وبلىستىق سقو اكiمدiگiنiڭ وتىرىسىندا قارالدى.
سقو تiلدەردi دامىتۋ باسقارماسىنىڭ باسشىسى كەمەل وسپانوۆتىڭ ايتۋىنشا، قازiرگi تاڭدا اقىننىڭ مەرەيتويىن اتاپ ءوتۋ كونتسەپتسياسى جاسالدى، ونىڭ اياسىندا 250 iس-شارا وتكiزۋ جوسپارلانعان. ماعجان جۇماباەۆتىڭ 125 جىلدىعىن مەرەكەلەۋدiڭ باستى ماقساتى: اقىننىڭ شىعارماشىلىق مۇراسىن ناسيحاتتاۋ، تۋعان جەرگە، ءوڭiر تاريحىنا دەگەن سۇيiسپەنشiلiكتi ارتتىرۋ، جاس ۇرپاقتى پاتريوتيزمگە باۋلۋ، ۇلى تۇلعانىڭ اتىن ماڭگi ەستە قالدىرۋ.
ءوڭiر باسشىسى قۇمار اقساقالوۆ تۇركسوي باسشىلىعىمەن اقىلداسا وتىرا اقيىق اقىننىڭ مەرەيتويىن ۇيىمعا كiرەتiن ەلدەردە وتكiزۋ تۋرالى شەشiم قابىلدانعانىن مالiمدەدi. تۇركi الەمiندە 2018 جىل «ماعجان جۇماباەۆ جىلى» بولىپ جاريالانۋىنا بايلانىستى اقپان ايىندا حالىقارالىق تۇركسوي ۇيىمىنىڭ ۇيىمداستىرۋىمەن تۇركi الەمiنiڭ مادەني استاناسى اتالعان كاستامونۋ جانە انكارا قالالارىندا باستاۋ الادى. وعان سقو-نان دەلەگاتسيا قاتىسادى. Iس-شارالار باتىس قازاقستان، اقتوبە، جامبىل وبلىستارى جانە استانا قالاسىندا دا اتالىپ وتiلەدi.
وبلىستا اقىننىڭ تۋعان كۇنi 25 ماۋسىم قارساڭىندا «ماعجان كوكتەمi» V رەسپۋبليكالىق ونەر فەستيۆالi, ماناش قوزىباەۆ اتىنداعى سقمۋ بازاسىندا ماعجان جۇماباەۆتىڭ 125 جىلدىعىنا ارنالعان رەسپۋبليكالىق عىلىمي-پراكتيكالىق كونفەرەنتسيا، جالپى بiلiم بەرەتiن مەكتەپ وقۋشىلارى اراسىندا رەسپۋبليكالىق ماعجان وقۋلارى وتكiزiلەدi. سونداي-اق قازاقستان رەسپۋبليكاسىنىڭ تەڭگە سارايىنا تاپسىرىس بەرۋ ارقىلى مەرەيتويلىق مەدال مەن مونەتا، سونىمەن قاتار ماعجان جۇماباەۆتىڭ ءومiرi مەن شىعارماشىلىعىنا ارنالعان 2 تومدىق كiتاپ شىعارۋ جوسپارلانىپ وتىر.
«بiز ەڭ الدىمەن ماعجان جۇماباەۆتىڭ شىعارماشىلىعىنا كوپ كوڭiل ءبولۋiمiز قاجەت. اقىننىڭ جارىققا شىقپاعان ولەڭ جيناقتارىن جاريالاۋ قاجەت. حالىق كورمەگەن، ەستiمەگەن، بiلمەگەن ولەڭ جيناقتارى مەرەيتويدا باسپادان شىعۋى تيiس. مەرەيتويدىڭ ورتالىعى ماعجان اۋداندا بولادى، دەگەنمەن، باسقا اۋدانداردا دا iس-شارالار وتكiزۋ كەرەك»، — دەدi قۇمار اقساقالوۆ.
سولتۇستىك قازاقستان وبلىسى اكىمدىگىنىڭ ءباسپاسوز قىزمەتى
