«سەنىمەن بولاشاق» رەسپۋبليكالىق قوعامدىق بىرلەستىگى ۇيىمنىڭ قۇرىلعانىنا 5 جىل تولۋىنا وراي بۇقارالىق اقپارات قۇرالدارى وكىلدەرى اراسىندا «تەكتىلەر تۋ كوتەرەدى» اتتى رەسپۋبليكالىق شىعارماشىلىق بايقاۋدىڭ باستالعانىن جاريالادى. جالپى جۇلدە قورى – 3 ميلليون تەڭگە.
بايقاۋ «سەنىمەن بولاشاق» رقب-نىڭ بەس جىلدىق مەرەيتويى مەن بۇقارالىق اقپارات قۇرالدارى قىزمەتكەرلەرى كۇنىنە وراي ۇيىمداستىرىلىپ وتىر.
سانالى ازامات- ساپالى مەملەكەتتىڭ كەپىلى. بايقاۋدىڭ ماقساتى – ازاماتتىق جاۋاپكەرشىلىكتى ارتتىرۋ جانە ازاماتتىق قوعام بەلسەندىلەرىنىڭ باستامالارىن ناسيحاتتاۋ.
ۇيىمداستىرۋشىلاردىڭ مالىمەتىنشە، بايقاۋعا قاتىسۋشىلار «سەنىمەن بولاشاق» رقب جۇزەگە اسىرىپ جاتقان جوبالار مەن باستامالار نەگىزىندە ازىرلەنگەن تەلەۆيزيالىق سيۋجەتتەردى، باسپا جانە ينتەرنەت-باسىلىمدارداعى ماقالالاردى، سونداي-اق راديو نەمەسە YouTube فورماتىنداعى باعدارلامالاردى ۇسىنا الادى.
بايقاۋ كەلەسى نوميناتسيالار بويىنشا وتەدى: «ۇزدىك تەلەۆيزيالىق ماتەريال» – 500 000 تەڭگە;
«باسپا باسىلىمىنداعى ۇزدىك ماقالا» – 500 000 تەڭگە;
«ينتەرنەت-باسىلىمداعى ۇزدىك جاريالانىم» – 500 000 تەڭگە;
«ۇزدىك راديو نەمەسە YouTube باعدارلاماسى» – 500 000 تەڭگە.
بۇدان بولەك، ارنايى اقشالاي ىنتالاندىرۋ سىيلىقتارى دا قاراستىرىلعان.
كونكۋرسقا 2026 جىلعى 18 ماۋسىم مەن 15 شىلدە ارالىعىندا قازاق نەمەسە ورىس تىلدەرىندە جاريالانعان نە ەفيرگە شىققان ماتەريالدار قابىلدانادى. ءبىر قاتىسۋشى ۇسىناتىن جۇمىستار سانىنا شەكتەۋ قويىلمايدى. بايقاۋعا قازاقستاننىڭ بارلىق وڭىرلەرىندەگى جۋرناليستەر قاتىسا الادى.
جۇمىستاردى سالالىق ساراپشىلار، تاجىريبەلى جۋرناليستەر جانە قوعامدىق سالا ماماندارىنان قۇرالعان تاۋەلسىز كوميسسيا باعالايدى.
بايقاۋعا «سەنىمەن بولاشاق» رقب جوبالارىنا، باستامالارىنا جانە قوعامدىق قىزمەتىنە ارنالعان ماتەريالدار قابىلدانادى (تولىعىراق: https://senimenbolashaq.kz/).
بايقاۋ قورىتىندىسى 2026 جىلعى 20 شىلدەگە دەيىن جاريالانادى.
