«مەن قاۋىپسىزدىكتەمىن». كوۆيدكە قارسى ۆاكتسينا سالدىرعان قالا تۇرعىندارىنا جاس ەركىتىلەر وسىنداي جازۋى بار بىلەزىك سىيعا تارتتى. مۇنداي ەرەكشە شارا ءبىر مەزەتتە قالاداعى ءۇش ەمحانادا ءوتتى.
قالا دەڭگەيىندە وتكەن شارا بارىسىندا جالپى ەرىكتىلەر 200 ازاماتقا وسىنداي بىلەزىك تاراتىپ بەردى. شارانى ۇيىمداستىرۋشىلار وسىلايشا ەكپە العان تۇرعىنداردىڭ قوعامعا قاۋىپسىز ەكەنىن كوپشىلىككە تۇسىندىرگىسى كەلدى.
جانايىم پولات – دارىگەر-ينفەكتسيونيست
ۆاكتسينا سالدىرعاننان كەيىن 7 كۇن وتكەن سوڭ يممۋنيتەت پايدا بولادى. اۋرۋ جۇقتىرعاننىڭ وزىندە ۆاكتسينا سالدىرعان ادام ونى جەڭىل وتكىزەدى. مۋتاتسياعا ۇشىراعان كوروناۆيرۋس اسا قاۋىپتى، ايتسە دە ۆاكتسينانىڭ كۇشى الدىندا اسەرىن ازايتادى. كوروناۆيرۋسقا قارسى ۆاكتسينا قابىلداۋ – ءومىرىڭدى ساقتايدى...
گۇلنار كەنجەاليەۆا بۇگىن ەكپەنىڭ ەكىنشى كومپانيەنتىن الدى. «العاشقىسىن سالدىرعاندا ەشقانداي جاناما اسەر بايقامادىم»، دەيدى قالا تۇرعىنى. زەينەتتەگى انانىڭ ايتۋىنشا، وتباسىنداعىلار تۇگەل ەكپە ەكتىرگەن. ويتكەنى، ۆاكتسينا قاۋىپسىز ءومىر سۇرۋگە جاسالعان ءبىر قادام.
گۇلنار كەنجەاليەۆا – شىمكەنت قالاسىنىڭ تۇرعىنى
ايتا كەتەيىك، ەگۋ ناۋقانى باستالعالى بەرى قالادا 521 078 ادام ۆاكتسيناتسيالاندى. ونىڭ ىشىندە 420 725 ادام ۆاكتسينانىڭ ەكى كومپونەنتىن الدى. قازىردە قالاداعى ەپيدەميالوگيالىق جاعداي تۇراقتالىپ كەلەدى. دەگەنمەن مەديتسينا ماماندارى، بوساڭسۋعا بولمايتىندىعىن ەسكەرتۋدە. بارىنشا ساقتىق شارالارىن ساقتاپ، كارانتين رەجيمىن قاتاڭ ۇستانۋعا شاقىرادى.
گ. قالمىرزاقىزى
